Cichanoŭskaja: Sens siońniašniaj daty nie ŭ paradach i vajskovaj technicy na vulicach
Śviatłana Cichanoŭskaja źviarnułasia da biełarusaŭ z nahody 9 Maja.
«9 maja — dzień pamiaci. Dzień, kali my ŭspaminajem tych, chto pieramoh nacyzm u Druhoj suśvietnaj vajnie, i tych, chto nie viarnuŭsia dadomu. U Biełarusi niama siamji, jakuju b vajna abminuła. My pamiatajem hety podźvih, i mienavita tamu asabliva baluča bačyć, jak pamiać pra hetuju žachlivuju vajnu vykarystoŭvajuć jak prapahandyscki instrumient, kab apraŭdać novuju», — havorycca ŭ zvarocie.
Sens hetaj daty nie ŭ paradach i vajskovaj technicy na vulicach. Našyja dziady i pradziedy chacieli, kab ich dzieci i ŭnuki žyli zvyčajnaje, mirnaje žyćcio. Chadzili ŭ škołu, kachali, pracavali, budavali svaje siemji. Jany dakładna nie zmahalisia za toje, kab biełaruskaja ziamla stanaviłasia placoŭkaj dla čužoj ahresii, kab tut stajali čužyja vojski, a z našaj krainy rabili krynicu pahrozy.
Biełaruś zaŭsiody była i pavinna zastavacca krainaj, jakaja nie pahražaje susiedziam i nie dazvalaje vykarystoŭvać siabie suprać inšych.
Siońnia pobač z nami Ukraina znoŭ płacić strašnuju canu za mir — za prava žyć na svajoj ziamli, razmaŭlać na svajoj movie, budavać svajo ŭłasnaje žyćcio. My bačym, jak vajna zabiraje žyćci, razburaje damy, razłučaje siemji.
I mienavita tamu pamiać pra vajnu pavinna nahadvać nam bierahčy žyćcio, a nie pryvučać dziaciej da vajennaj formy, zachaplać zbrojaj i narmalizavać hvałt. Pamiać pavinna vučyć adkaznaści. Vučyć spačuvańniu, sumlennaści, pavazie da čałavieka i da susiedziaŭ. Vučyć prostamu: vajna — heta trahiedyja, a mir — heta toje, što treba budavać razam.
Siońnia ja schilaju hałavu pierad usimi hierojami, pierad zahinułymi i achviarami hetaj vajny. I vielmi chaču, kab lepšaj pamiaćciu pra ich stała Biełaruś, u jakoj čałaviečaje žyćcio — najvyšejšaja kaštoŭnaść», — adznačyła Śviatłana Cichanoŭskaja.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
K tomu žie raźnica mieždu 8 i 9 maja obusłovlena raźniciej časovych pojasov pri podpisanii Akta o kapitulacii Hiermanii v 1945 hodu. V Bierlinie eto proizošło pozdno viečierom 8 maja, kohda v Moskvie užie nastupiło 9 maja.
A jeśli brať za osnovu moskovskoje vriemia, to i vojnu śledovało zakončiť šturmom Moskvy, a nie Bierlina!)