DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
Jak stała viadoma «Našaj Nivie», Departamient finansavych rasśledavańniaŭ Dziaržkantrolu paśladoŭna idzie pa biełaruskich transpartnikach. Pačałosia ŭsio z prychodu da «Dženci-Śpiedzišn» (Jenty) u pačatku hoda. Tyja pryznali vinu i zapłacili šmatmiljonny štraf, paśla čaho orhany nakłali trafaret spravy na inšyja kampanii śfiery — i adkryli dla siabie kłandajk.
Jak viadoma «Našaj Nivie», tolki za apošnija dva tydni aryšty i vobšuki prakacilisia pa ofisach bujniejšych łahistyčnych kampanij Biełarusi: «PraLiŭ», «ViestTransŁajn», «Intertransaŭta» i inšyja.
Supracoŭnikaŭ masava nie zatrymlivajuć, ale bienieficyjantaŭ i dyrektaraŭ — tak. Vizity orhanaŭ prachodziać u zvyčajnym styli zapałochvańnia: z vybitymi dźviaryma i maski-šou.
Kampanijam inkryminujecca ŭchileńnie ad padatkaŭ — č. 3 art. 243 Kryminalnaha kodeksa — ad 5 da 12 hadoŭ kałonii.
Kiraŭnikam kampanij naličvajecca štraf sychodziačy z pamieru niedapłačanaha — pa mierkavańni orhanaŭ — u biudžet.
Jak viadoma, pieršaj kampanijaj, da jakoj uźnikli pytańni stała «Dženci-Śpiedzišn». Nibyta jaje supracoŭniki, faktyčna znachodziačysia ŭ Biełarusi, pracavali ŭ intaresach jaje pradstaŭnictvaŭ u inšych krainach. Pieradusim — Rasii i Kazachstana.
Pa mierkavańni orhanaŭ, kali kamiercyjnaja dziejnaść ažyćciaŭlajecca ŭ Biełarusi, a apłaty za jaje prychodziać na rachunki ŭ inšych jurysdykcyjach, heta padstava i dla daličeńnia padatkaŭ, i dla kryminalnaj spravy.
Kiraŭniki «Dženci-Śpiedzišn» pryznali vinu i vypłacili dziasiatki miljonaŭ štrafu, paśla čaho DFR pajšoŭ pa inšych łahistyčnych kampanijach, miarkujučy, što pa takich ža schiemach pracujuć i inšyja.
«Naša Niva» — bastyjon biełaruščyny
PADTRYMAĆCiapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary