Spravu «jepiskapa śvietu» Bondara razhledziać u Navahradku ŭ zakrytym režymie
11 krasavika ŭ Navahradzkim rajonnym sudzie pačniecca razhlad spravy Dźmitryja Bondara. Jamu inkryminujuć 1-ju častku 157-ha artykułu Kryminalnaha kodeksu (zaviedamaje stvareńnie dla inšaj asoby niebiaśpieki zaražeńnia virusam imunadeficytu čałavieka (VIČ), paviedamlaje «Radyjo Svaboda».
Praces budzie prachodzić za začynienymi dźviaryma. Pra heta Svabodzie paviedamiła maci Dźmitryja Valancina. U Navahradzkim rajonnym sudzie, a taksama ŭ pres-słužbie Viarchoŭnaha sudu karespandentu Svabody infarmacyju ab pracesie atrymać nie ŭdałosia.
Pavodle Valanciny Bondar, Dźmitryju inkryminujuć 1-ju častku 157-ha artykułu Kryminalnaha kodeksu (zaviedamaje stvareńnie dla inšaj asoby niebiaśpieki zaražeńnia virusam imunadeficytu čałavieka (VIČ). Sankcyi artykułu — ad štrafu da źniavoleńnia na try hady.
«Nie paćvierdzilisia padazreńni ŭ narkotykach i raspaŭsiudzie parnahrafii. Pakolki Dźmitry znachodzicca na ŭliku VIČ-infikavanych, jamu vystavili pieršuju častku artykułu. To bok heta nie zaražeńnie, a stvareńnie niebiaśpieki zaražeńnia. Značyć, albo nie zaścierahaŭsia, albo nie papiaredžvaŭ partneraŭ. U našaj sytuacyi zaścierahaŭsia, ale nibyta nie papiaredžvaŭ».
Siomy miesiac Dźmitryja Bondara trymajuć pad vartaj u śledčym izalatary ŭ Horadni.
«Biełaruś nikoli nie pieramoža VIČ, kali ŭ krainie tak buduć ździekavacca z chvorych, jakija nikomu nie zrabili nijakaj škody. Sudzić treba tych, chto nie lačyŭsia i zaražaŭ ludziej. Moj syn zaniaŭ sumlennuju hramadzianskuju pazycyju, jon staŭ na ŭlik, prymaŭ leki, zaścierahaŭsia i, viadoma ž, nikoha nie zaraziŭ», — skazała Valancina Bondar.
Dźmitryja Bondara zatrymali ŭvosień 2018 hodu ŭ fentezi-siadzibie jahonaha siabra Siarhieja Kovala ŭ Litoŭcy, što kala Navahradku. Siarhiej Koval zakryŭ svaju siadzibu dla naviednikaŭ, bo miascovyja žychary skardzilisia na «satanizm». 1 studzienia Siarhiej Koval skončyŭ žyćcio samahubstvam.
Na Novy hod syšoŭ z žyćcia ŭładalnik fentezi-chutara Litoŭka pad Navahrudkam. Mahčyma, heta samahubstva
Valancina Bondar skazała, što razam z advakatam prasiła, kab pasiadžeńnie sudu było adkrytym.
«Sprava maje hramadzki rezanans, stolki ŭsiaho było napisana ŭ internecie. Tamu my chacieli, kab sprava była adkrytaj, kab pryjšli blizkija i siabry. Ale sudździa skazaŭ, što sprava budzie razhladacca ŭ zakrytym režymie. Tamu navat ja nie zmahu prysutničać na pracesie ad pačatku da kanca, usiaho tolki vystuplu ŭ jakaści śviedki», — skazała Valanicna Bondar.
Na pačatku sakavika Valancinie dali tolki adno paŭhadzinnaje spatkańnie z synam «pierad tym, jak nakiravać spravu ŭ prakuraturu».
«Moj Dźmitry vielmi pazytyŭny čałaviek i bolš mianie supakojvaŭ. Jon skazaŭ tolki, što daŭno viadoma, kolki jamu treba dać, i nia važna, pavodle jakoha artykułu».
Pra Dźmitryja Bondara i jahonuju maci napisaŭ baciuška
Niadaŭna pra Dźmitryja Bondara zhadaŭ u svaim artykule ŭ «Navahradzkich eparchijalnych navinach» pravasłaŭny pratajarej z Navahradku Anatol Hierasimuk. Pisaŭ jon ab pravierkach ź Ministerstva adukacyi ŭ miascovych škołach, źviazanych sa «štučna padniataj chvalaj suprać urokaŭ maralnaści». Dyrektaram škołaŭ było ŭkazana na toje, što na zaniatkach «zašmat pravasłaŭja».
Jon piša, što ŭsio pačałosia z trahičnych padziej na chutary Litoŭka, «fantasmaharyčnaj siadziby pad Navahradkam z čakannymi monstrami, nibyta pieraniesienymi ź filmaŭ žachaŭ». Maŭlaŭ, «panibrackija adnosiny ź ciomnymi siłami da dabra nie pryvodziać».
Tut ža ŭ Litoŭcy, pavodle śviatara, znachodziłasia «rezydencyja» ekscentryčnaha siabra haspadara Dźmitryja Bondara, jaki pradstaŭlaŭsia ksiandzom starakatalickaj carkvy i abjaviŭ siabie «biskupam śvietu».
Pavodle pratajareja Anatola Hierasimuka, Dźmitry Bondar «prapaviedavaŭ poŭnuju svabodu ad usich maralnych ustojaŭ i normaŭ, byŭ prychilnikam nietradycyjnych stasunkaŭ i vychvalaŭsia vysokimi zastupnikami».
Pavodle śviatara, maci Valancina Bondar zamiest taho, kab «pačać malicca za syna», abvinavaciła va ŭsim Pravasłaŭnuju carkvu «i vyrašyła pomścić».
Pavodle Valanciny Bondar, hazetu z hetym artykułam, jaki vyjšaŭ da sudu, aktyŭna razdavali prychadžanam, a potym śviatar prynios stos hazet u Navahradzki rajvykankam.
U razmovie z karespandentam Svabody jana nazvała hety artykuł paklopnickim.
«Liču, što hety čałaviek nia varty śviatarskaha zvańnia», — skazała Valancina Bondar.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary