Na rejsie «Biełavija» čatyrochhadovuju dziaŭčynku pasadzili asobna ad maci
Biełaruska nie stała zahadzia płacić za vybar miescaŭ, bo raniej jaje dzicia aŭtamatyčna sadzili pobač z adnym z baćkoŭ. Historyja vyklikała sprečku ŭ Threads.
Padčas rehistracyi na rejs «Biełavija» žančyna i jaje čatyrochhadovaja dačka atrymali miescy pa roznyja baki prachodu, piša BGmedia.
Pasažyrka raskazała, što ŭžo nieadnarazova latała ź dziciem i raniej ich zaŭsiody sadzili pobač. Tamu hetym razam jana nie stała zahadzia apłačvać vybar miescaŭ.
Pavodle žančyny, pasažyraŭ, jakija rehistravalisia paźniej, zmahli pasadzić razam.
U kamientarach mierkavańni padzialilisia. Adny paličyli, što čatyrochhadovaje dzicia pavinna siadzieć pobač z darosłym biez dadatkovaj płaty. Inšyja nahadali, što pasažyrka mahła zahadzia apłacić vybar miescaŭ: «Čamu, kali vy chacieli siadzieć pobač, nie apłacili hetuju pasłuhu zahadzia? Heta ž łahična».
Na sajcie «Biełavija» paznačana, što mahčymaść biaspłatna vybrać miesca zaležyć ad taryfu. U dastupnych publičnych praviłach avijakampanii niama asobnaj harantyi, što dzicia, starejšaje za dva hady, u lubym vypadku pasadziać niepasredna pobač z baćkam abo maci.
U Jeŭrasajuzie tym časam uzhadnili novyja praviły, pavodle jakich dzicia da 14 hadoŭ i darosłaha, jaki jaho supravadžaje, pavinny sadzić pobač biez dadatkovaj płaty. Adnak hetaja norma jašče nie paŭsiudna dziejničaje.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary