41‑hadovy futbalist pakinuŭ raźmiaščeńnie zbornaj, jakoj siońnia hulać u Lizie nacyj u Kapienhahienie z Danijaj.
Usio pačałosia paśla matču Partuhalii z Narviehijaj u minułuju subotu, dzie Kryšcijanu nie vyjšaŭ na pole i byŭ vidavočna hetym niezadavoleny. Pryčym partuhalcy pieramahli ŭ haściach 2:1.
Kryšcijanu, jaki hulaje za zbornuju z 2003 hoda (23 hady!), nie strymaŭsia i źjechaŭ z raźmiaščeńnia zbornaj, vystupiŭšy z rezkaj zajavaj.
Hałoŭny trenier zbornaj Partuhalii Žorže Žezuš i kiraŭnik Partuhalskaj futbolnaj fiederacyi Piedru Praensa sprabavali adhavaryć KR ad adjezdu z raźmiaščeńnia nacyjanalnaj kamandy.
U adroźnieńnie ad Lijanela Miesi, jaki paśla čempijanatu śvietu pryniaŭ rašeńnie pra zaviaršeńnie karjery, Kryšcijanu nie rabiŭ nijakich zajavaŭ, a kazaŭ, što chacieŭ by jašče dapamahčy zbornaj.
Paśla vykliku ŭ zbornuju Ranałdu padkreślivaŭ, što idzie ŭ jaje nie abaviazkova dziela hulniavoj praktyki: «Ja tut, kab dapamahać. Nie maje značeńnia, hulaju ja ci nie. Ja ŭsiaho tolki adzin z mnohich. Tak było zaŭsiody — i tak budzie nadalej. Paŭtarusia, ja budu rabić usio, što paprosić trenier».
Zaraz Kryšcijanu moža vystupić z rezkaj zajavaj pra zaviaršeńnie karjery ŭ zbornaj.
Partuhalcam u Lizie nacyj jašče ŭ niadzielu hulać doma z Narviehijaj, a potym u listapadzie jašče dva matčy.
Situacyja z KR cikavaja jašče tym, što jon honicca za absalutnym rekordam usich časoŭ i narodaŭ — 1000 hałoŭ za karjeru (u Miesi 930 miačoŭ, u Piele było 766).
Zaraz u Kryšcijanu Ranałdu 979 hałoŭ, jon stabilna zabivaje za saudaŭski «An-Nasr», ale i sa zbornaj pryvoziŭ miačy.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary