Kasia Kamockaja: «Zapiski aficera Čyrvonaj Armii» — heta kniha pra «ruski mir»
Na kraŭdfandynhavaj płatformie ulej.by źbirajuć srodki na vydańnie pa-biełarusku hratesknaha tvora Siarhieja Piasieckaha, napisanaha ŭ vyhladzie dziońnika čyrvonaha aficera Zubava ŭ vieraśni 1939.
«Zapiski aficera Čyrvonaj Armii» napisanyja ŭ Anhlii ŭ 1948 hodzie. U ramanie aŭtar sprabuje pieraŭvasobicca ŭ savieckaha aficera. Apovied idzie ad pieršaj asoby. U tvory piśmieńnik pradstaŭlaje śviet vačyma svajho hieroja, razvažajučy jahonymi katehoryjami. Tvor talenavity, husta pierasypany čornym humaram, pa-sapraŭdnamu śmiešny (časam da śloz), časam hety śmiech vielmi horki i navat balučy.
Na biełaruskuju movu tvor pierakłaŭ haradzienski piśmieńnik Siarhiej Astraŭcoŭ.
«Kniha, jakuju raniej usprymali jak niejki šarž, ściob, nabyła nadzvyčajnuju aktualnaść, — kaža adkaznaja za inicyjatyvu Kasia Kamockaja. — Siońnia «ruski mir» jaskrava i žachliva pakazvaje nam, što heta nie žarty. Hałoŭny hieroj ramana Miška Zubaŭ, jak i 80 hadoŭ tamu, zachoplivaje čužyja terytoryi, taksama, jak tady, zabivaje niazhodnych, pahražaje susiedziam i ŭsiamu śvietu. Hety tvor siońnia nadzvyčaj aktualny!
Data 17 vieraśnia 1939 hoda vielmi važnaja dla Biełarusi, ale dahetul traktujecca pa-roznamu. Što adbyłosia 17 vieraśnia — abjadnańnie Zachodniaj i Uschodniaj Biełarusi ci pačatak Druhoj suśvietnaj vajny, vyzvaleńnie ci akupacyja? My abjavili zbor srodkaŭ na vydańnie knihi, jakaja napeŭna nie adkaža na hetyja pytańni, ale chacia b prymusić nas uzhadać, asensavać toje, što adbyłosia tady, i padumać, što adbyvajecca z nami zaraz».
-
Tvor Śviatłany Aleksijevič staŭ krynicaj natchnieńnia dla amierykanskaha fentezi-bestselera
-
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju
-
Volha Kaściuk naradziłasia ŭ Radčycku Stolinskaha rajona, a žyvie ŭ Novaj Ziełandyi. Jaje kniha napisanaja na havorcy, na jakoj jašče nichto nie pisaŭ
Ciapier čytajuć
Biełaruskija dalnabojščyki ŭsio čaściej vybirajuć dla pracy Hiermaniju zamiest Polščy i Litvy. Raskazvajuć pra zarobki3
Kamientary