Ciapier užo MZS Rasii pahražaje ZŠA praz mahčymuju pieradaču «Tamahaŭkaŭ» Ukrainie
U rasijskim Ministerstvie zamiežnych spraŭ zajavili, što ZŠA «pavinny razumieć ciažar nastupstvaŭ» pieradačy Ukrainie dalnabojnych rakiet «Tamahaŭk». Pra heta zajaviŭ namieśnik kiraŭnika MZS RF Siarhiej Rabkoŭ.
Jak skazaŭ Rabkoŭ, Rasija zaklikaje ZŠA adkazna padyści da mahčymaha rašeńnia ab pieradačy Ukrainie kryłatych rakiet «Tamahaŭk».
«Hipatetyčnaje prymianieńnie takich sistem mahčyma tolki z pramym pryciahnieńniem amierykanskaha piersanału. Ja spadziajusia, hłybiniu i ciažar nastupstvaŭ pryniataha ŭ hetaj situacyi taho ci inšaha rašeńnia dobra ŭśviedamlajuć tyja, chto padšturchoŭvaje Vašynhton da takoha rašeńnia», — adznačyŭ jon.
Namieśnik rasijskaha ministra zaklikaŭ Bieły dom i Pientahon «ćviaroza, razumna, adkazna padyści da ŭsioj hetaj situacyi».
Pavodle ŚMI, prezidentam ZŠA Donaldam Trampam rašeńnie ab pieradačy Kijevu rakiet Tomahawk «u peŭnaj stupieni» ŭžo pryniata.
Raniej Uładzimir Pucin pahražaŭ, što pastaŭka Kijevu «Tamahaŭkaŭ» razburyć adnosiny z ZŠA.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary