«Žyćciovy cykł šturmavika — 12 dzion». Z-błohier ščyra pryznaŭsia, čamu nie padpisvaje kantrakt ź Minabarony
«Pytajusia: «Ty razumieješ, što tabie zaŭtra p*****c? Jakaja matyvacyja?» Čaściej za ŭsio hučyć adkaz: «Rodnyja atrymajuć vypłaty».
Z-błohier Uładzimir Ramanaŭ, jaki maje 135 tysiač padpisčykaŭ, patłumačyŭ čytačam, čamu nie padpisvaje kantrakt ź Ministerstvam abarony Rasii, choć za heta dajuć kala $70 tysiač.
Jon kaža, što kali padpiša kantrakt, to jaho adrazu adpraviać u šturmaviki, choć jon zakončyŭ Vajenna-miedycynskuju akademiju pa kursie «instruktar vajennaj miedycyny», a taksama maje navyki pracy z dronami i poŭny kamplekt asabistaha ryštunku.
«Heta nie maje značeńnia. U šturm. Tamu što sapraŭdy šturmavikoŭ nie chapaje. Mienavita nie chapaje tych ludziej, jakija buduć «šturchać» praciŭnika na ziamli i trymać nulavyja pasadki.
Čamu ž nie chapaje hetych šturmaŭ? Tamu što kamandziry razhladajuć ich jak raschodny materyjał. Im dajuć novych, a Hienštab patrabuje prasoŭvańniaŭ. Za prasoŭvańni — premii. Jašče i «avansy» treba adpracoŭvać», — tłumačyć Ramanaŭ.
Jon z matematyčnaj dakładnaściu padličyŭ žyćciovy cykł rasijskaha dobraachvotnika z dnia padpisańnia kantrakta da śmierci. Heta 12 dzion:
- 1 dzień: padpisvaje kantrakt i prybyvaje na palihon;
- 2‑11 dzień: padrychtoŭka na palihonie;
- 12 (apošni) dzień: zaliŭka na pazicyi.
«Na haračych učastkach — z dvuch bajcoŭ da pazicyi dachodzić adzin. U lepšym vypadku», — narakaje Ramanaŭ i nazyvaje pryčynu masavaj hibieli rasijskich šturmavikoŭ. Heta ŭkrainskija drony.
Błohier kaža, što časta razmaŭlaje z tymi, chto padpisaŭ kantrakt:
«Pytajusia: «Ty razumieješ, što tabie zaŭtra p*****c? Jakaja matyvacyja?» Čaściej za ŭsio hučyć adkaz: «Rodnyja atrymajuć vypłaty».
«Ja nie padpisvaju kantrakt, tamu što z momantu padpisańnia pačniecca adlik maich apošnich 12 dzion», — padsumoŭvaje błohier.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ10
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Spasibo vam ukraincy bolšoje za mirnoje niebo nad Varšavkoj. Inačie eti šturmoviki, srok žiźni kotorych 12 dniej, užie davno byli by pod Varšavoj. Polaki eto nie cieniat, a ja, kak biełarus, iskrieńnie vaš poddierživaju i donaču na tie samyje drony, kotoryje i utilizirujut russkich okkupantov!
Słava Ukrainie!