Unitaz z 18-karatnaha zołata skrali ź siamiejnaj rezidencyi Čerčylaŭ pałaca Blenchiejm u Oksfardšyry, paviedamlaje BBC.
Pałac u miastečku Vudstak na zachadzie Anhlii byŭ abrabavany nieviadomymi złamyśnikami ŭ subotu.
Unitaz, što całkam funkcyjanuje, demanstravaŭsia na vystavie rabot italjanskaha mastaka-kanceptualista Maŭrycya Katełana, jakaja adkryłasia ŭ pałacy ŭ čaćvier. Hledačam prapanoŭvałasia vykarystać ekspanat pad nazvaj «Amieryka».
Unitaz pakul što nie znojdzieny, adnak palicyja aryštavała 66-hadovaha mužčynu.
Blenchiejmski pałac, pabudavany ŭ XVIII stahodździ, adnosicca da Fondu Suśvietnaj spadčyny JUNIESKA. Ser Uinstan Čerčyl naradziŭsia ŭ pałacy i pravioŭ tam hady rańniaha dziacinstva.
Załaty ŭnitaz byŭ padłučany da kanalizacyjnaj sistemy pałaca i jaho kradziež vyklikaŭ zatapleńnie pałaca.
Kamientary