Žychar Łuninca paśla DNK-testu daviedaŭsia, što nie źjaŭlajecca šmatdzietnym baćkam
U adździeł prymusovaha vykanańnia Łuninieckaha rajona źviarnułasia miascovaja žycharka i raspaviała, što jaje były muž uchilajecca ad vypłaty srodkaŭ na ŭtrymańnie traich niepaŭnaletnich dziaciej, piša 1reg.by.
Pry hetym da 2017 hoda — na praciahu šaści hadoŭ — mužčyna finansava padtrymlivaŭ siamju. Padčas dopytu jon svaju vinu va ŭchileńni ad vypłaty alimientaŭ nie pryznaŭ.
Mužčyna zajaviŭ, što sumniajecca, ci jon bijałahičny baćka traich dziaciej (chłopčyka i dziaŭčynak-bliźniat). Dla vyrašeńnia pytańnia była pryznačanaja hienietyčnaja ekśpiertyza.
Pa słovach aficyjnaha pradstaŭnika ŭpraŭleńnia Dziaržaŭnaha kamiteta sudovych ekśpiertyz pa Bresckaj vobłaści Taćciany Katok, baćkoŭstva ŭ adnosinach da chłopčyka paćvierdziłasia, u dačynieńni da dziaŭčynak-bliźniat — vyklučanaje. Ciapier pravaachoŭnyja orhany pravodziać pravierku z ulikam novych abctavin.
Jak raspaviała Taćciana Katok, anałahičnaja historyja adbyłasia ŭ Kamianieckim rajonie. 29-hadovy miascovy žychar bolš za try miesiacy na praciahu hoda ŭchilaŭsia ad vypłaty alimientaŭ na ŭtrymańnie čatyroch niepaŭnaletnich dziaciej, źjaŭlajučysia abaviazanym pa rašeńni suda z 2018 hoda.
Z metaj vyśviatleńnia, ci źjaŭlajecca mužčyna bijałahičnym baćkam čaćviarych dziaciej — dvuch chłopčykaŭ i dziaŭčynak-bliźniat, była praviedziena hienietyčnaja ekśpiertyza. Jaho bijałahičnaje baćkoŭstva paćvierdziłasia. Ciapier mužčyna adbyvaje pakarańnie ŭ miescach pazbaŭleńnia voli.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary