15 studzienia adbylisia pieršyja zaniatki, na jakija pryjšło kala 50 čałaviek.
Dzianis Kaŭšar, vykładčyk kursaŭ, raskazaŭ «Našaj Nivie», što heta druhaja sproba pačać kursy «Mova Nanova» ŭ Niaśvižy.
«Pieršy raz adbyłosia tolki paru zaniatkaŭ. Ale ideja kursaŭ łunała ŭ pavietry ŭvieś hety čas. I voś, napeŭna, tak skłaŭsia los. Hleb Łabadzienka, zasnavalnik kursaŭ, siabruje z probaščam našaha kaścioła Božaha Cieła ksiandzom Piotram Šarko. Ja pracuju arhanistam u kaściole, ksiondz Piotr prapanavaŭ mnie ŭznačalić kursy, ja padumaŭ, što, kali budzie kamanda, to całkam hatovy da hetaha», — raspaviadaje Dzianis Kaŭšar.
Kamanda znajšłasia. Na dapamohu Dzianisu pryjšoŭ inžynier pa hazavym abstalavańni Michaś Asmykovič i Natalla Jaźvinskaja — maładaja maci ŭ dekrecie.
Temaj pieršych zaniatkaŭ stała tema «Radziviły». Pa tradycyi, pieršyja zaniatki praviali zasnavalniki i vykładčyki minskich kursaŭ Hleb Łabadzienka i Alesia Litvinoŭskaja. Pieršym muzyčnym hościem niaśvižskich kursaŭ staŭ Andruś Takindanh.
Kursy «Mova Nanova Niaśviž» buduć prachodzić kožnuju sieradu ŭ plabanii (Mickieviča, 5). Pačatak kursaŭ a 18 hadzinie.
Niaśviž staŭ 18-m horadam Biełarusi, dzie adčynilisia kursy «Mova Nanova».
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Kudy ciapier jeduć vučycca biełaruskija studenty — top krain i tendencyj11
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary