U Breście karanavirus pajšoŭ na spad, ale chvorych na pnieŭmanii ŭsio jašče ŭ razy bolš za zvyčajnaje
«Ciapier u nas situacyja vyraŭnoŭvajecca i ŭsiaho ŭ Breście na hety momant 531 čałaviek špitalizavanyja z dyjahnazam «pnieŭmanija». Šmat heta ci mała? Tydzień tamu było amal 1 300 čałaviek. Tendencyja ŭstojlivaja, nijakich pytańniaŭ zaraz pakul niama. Ale samazaspakojvacca nie treba», — skazaŭ kiraŭnik Bresta Alaksandr Rahačuk na sustrečy z žurnalistami 15 lipienia.
Jaho słovy cytuje «Briestskaja hazieta».
Rahačuk i sam niadaŭna pierachvareŭ na Kovid-19.
Raniej bieraściejskija daktary paviedamlali, što na piku chvali ŭ horadzie dyjahnastavali da 280 pnieŭmanij za dzień.
531 špitalizavanych na siońnia — heta ŭsio jašče ŭ niekalki razoŭ bolš za zvyčajnuju dla hetaha pieryjadu hoda kolkaść.
Biełaruś — adzinaja kraina Jeŭropy, što zakryła statystyku pnieŭmanij. Adnak asobnyja kiraŭniki rehijonaŭ i daktary paviedamlajuć dadzienyja pa svaich haradach.
Brest staŭ adnym z apošnich haradoŭ Biełarusi, da jakich dakaciłasia chvala karanavirusa.
Siarod apošnich jaho achviar tut — vykładčyk fizkultury ŭniviersiteta, były futbalist «Dynama» Brest Uładzimir Paŭlučyk.
Pavodle zachodniaj statystyki, pnieŭmanija raźvivajecca prykładna ŭ 15% infikavanych karanavirusam.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary