Spartsmienku 2019 hoda ŭ Biełarusi, čempijonku śvietu pa frystajle Alaksandru Ramanoŭskuju zvolnili za prahuły z nacyjanalnaj kamandy. Hetuju infarmacyju sport.tut.by paviedamiŭ hałoŭny trenier nacyjanalnaj kamandy Mikałaj Kazieka.
— Siońnia na schodzie nam paviedamili, što Saša Ramanoŭskaja zvolnienaja za prahuły. Zahad ustupić u siłu 16 kastryčnika. My, viadoma, budziem jaho asprečvać, — skazaŭ Mikałaj Kazieka.
Nackamanda adnosicca da Ministerstva sportu. Ale jano delehavała paŭnamoctvy pa kiravańni nacyjanalnaj kamandaj u Respublikanski centr alimpijskaj padrychtoŭki, a tut jaje zvolnili. Zahad padpisaŭ novy dyrektar RCAP, jaki pryjšoŭ da nas z vadnałyžnaha sportu — adznačyŭ Mikałaj Kazieka.
Jon taksama raspavioŭ, što ciapier Alaksandra prachodzić reabilitacyju paśla traŭmy.
— Aficyjna Alaksandru Ramanoŭskuju zvolnili za prahuły. Ale nasamreč u Sašy była fors-mažornaja situacyja — jaje baćka pieranios insult, nie było kamu vazić jaho ŭ balnicu. Hetym zajmałasia Alaksandra. Jana telefanavała, tłumačyła, ale nichto ŭ RCAP nie źviarnuŭ na heta ŭvahi. Zahad ustupić u siłu 16 kastryčnika. Rašeńnie anhažavanaje. My, viadoma, budziem jaho asprečvać, — zajaviŭ Kazieka.
***
Raniej Alaksandra Ramanoŭskaja śmieła vykazvałasia pra situacyju ŭ Biełarusi, asudžała hvałt. Jana vykazvała zaściarohu, što suprać jakie mohuć być užyty zachady.
Raniej i prasłaŭlenaha treniera Mikałaja Kazieku pazbavili prezidenckaj stypiendyi. Jon taksama asudziŭ hvałt na vulicach Biełarusi paśla vybaraŭ.
Za «drennuju ideałahičnuju pracu» zvolnieny dyrektar RCAP pa frystajle
Ciapier čytajuć
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m11
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ66
Kamientary