U Hrodzienski dziciačy chośpis, jaki znachodzicca na vulicy Haharyna, pryjšli supracoŭniki Departamienta finansavych rasśledavańniaŭ. Jany paprasili adčynić usie pakoi. Pra situacyju Tut.by raspaviali supracoŭniki chośpisa.
Miarkujučy pa pratakole ahladu, jaki supracoŭniki DFR vystavili pradstaŭnikam dziciačaha chośpisa, ciapier pravodzicca pravierka «ŭ dačynieńni da słužbovych asob HDA «Hrodzienski dziciačy chośpis» pa faktach zanižeńnia padatkaabkładalnaj bazy i ŭchileńnia ad vypłaty sum padatkaŭ».
Hramadskaja dabračynnaja arhanizacyja «Hrodzienski dziciačy chośpis» była zasnavana 19 vieraśnia 2008 hoda dla dapamohi ciažka i bieznadziejna chvorym dzieciam, jakija majuć množnyja parušeńni raźvićcia, i ich siemjam.
Siońnia pad apiekaj arhanizacyi znachodziacca bolš za 50 siemjaŭ.
Supracoŭniki i vałanciory chośpisa z pačatku epidemii karanavirusa ŭ Biełarusi pačali šyć srodki indyvidualnaj abarony la miedykaŭ i biaspłatna pieradavali ich hrodzienskim daktaram. Heta była samaja vialikaja vałanciorskaja placoŭka pa pašyvie achoŭnych kaściumaŭ dla miedykaŭ u horadzie. U siaredzinie traŭnia chośpis sutyknuŭsia z prablemaj. Tady ŭ impravizavanuju šviejnuju manufakturu pryjšła administracyja palikliniki, u pamiaškańniach jakoj i raźmiaščajecca chośpis, i paprasiła vałancioraŭ źjechać. U situacyju ŭmiašaŭsia kiraŭnik Hrodzienskaha harvykankama Miečysłaŭ Hoj — i vałancioram znajšli pamiaškańnie va ŭročyščy Pyški. Adnak ciapier ułaśnik z hetaha budynka vałancioraŭ vysieliŭ.
15 kastryčnika ŭ adnym z dvaroŭ u mikrarajonie Alšanka padčas dabračynnaj sustrečy z pradstaŭnikami Hrodzienskaha dziciačaha chośpisa była zatrymanaja dyrektarka chośpisa Volha Vialička. Jana praviała sutki ŭ IČU, a paźniej była aštrafavanaja na 15 bazavych vieličyń za ŭdzieł u niesankcyjanavanym mitynhu, jaki prachodziŭ 6 vieraśnia ŭ abłasnym centry.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary