Źjavilisia čutki, što zatrymany aŭtar paradyjnaha kanała «Sovietskaja Biełoruśsija». Vyśvietlili, što ź im
Paśla taho, jak u satyryčnym telehram-kanale «Sovietskaja Biełoruśsija» źjaviłasia paviedamleńnie pra toje, što «z 25 sakavika redakcyja idzie ŭ nieapłatny adpačynak na 15 sutak», i jon pierastaŭ abnaŭlacca, mnohija pačali pieražyvać za los stvaralnika: a ci nie zatrymany jon časam sapraŭdy?
Kanał z 2019 hoda viadzie biełarus, jaki raniej, jak jon raskazvaŭ u intervju «Našaj Nivie», pracavaŭ «zvyčajnym rabočym». Ciapier ža supracoŭničaje z pryvatnaj kantoraj. Mužčynie «krychu za 30 hod».
Zvyšananimnaść jon zachoŭvaje ŭ metach biaśpieki, bo žartuje ŭ kanale pra samych vysokich čynoŭnikaŭ, palitykaŭ, siłavikoŭ i inšych — ad Łukašenki da Cichanoŭskaj, ad Kubrakova da Ihumieńni Haŭryiły. Vyklučeńniaŭ pa statusie i zasłuhach pierad ajčynaj niama. Praŭda, u siońniašnich realijach časam składana zrazumieć, dzie ŭ kanale žart, a dzie — praŭda.
Ci adroźnicie realnyja naviny ad žartaŭ pablika «Sovietskaja Biełoruśsija»?
Aŭtar kanała supakojvaje fanataŭ svajho humaru. Ën vyjšaŭ na suviaź i paviedamiŭ, što «pakul nie zatrymany».
«Ja prosta ŭ tvorčym adpačynku. Čytačy zrazumiejuć, chto nie zrazumieje — adpišacca. Ciapier mnie treba bolš času na paralelnyja prajekty. Tolki i ŭsiaho. Chutka viarnusia, nie chvalujciesia», — paabiacaŭ admin.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»11
Kamientary