U Mjanmie padčas pratestaŭ za adzin dzień zabili bolš za 100 čałaviek. Siarod achviaraŭ jość dzieci
Pradstaŭniki ŭzbrojenych sił zabili prynamsi 114 čałaviek u haradach Mjanmy ŭ chodzie pratestaŭ suprać vajennaj chunty, jakaja zachapiła ŭładu ŭ krainie. Takija danyja pa stanie na 21:30 pa miascovym časie (18:00 pa Minsku) pryvodzić Myanmar Now.
27 sakavika, kali vajennyja Mjanmy adznačali Dzień uzbrojenych sił, žychary roznych haradoŭ vyjšli na vulicy, pratestujučy suprać vajennaj dyktatury. Vajskoŭcy ŭžyli zbroju suprać pratestoŭcaŭ u bolš čym 40 haradach krainy.
U pryvatnaści, 27 čałaviek zabili ŭ akruzie Janhon, jašče 40 čałaviek — u akruzie Mandałaj. Jak adznačaje Myanmar Now, u horadzie Miejtchiła zabili 13-hadovuju dziaŭčynku. Ahienctva Reuters piša, što ŭ akruzie Sikajn taksama zabili 13-hadovaha padletka.
Heta adzin z samych kryvavych dzion u Mjanmie paśla zachopu ŭłady vajskoŭcami, piša Reuters. Pradstaŭniki ZŠA asudzili žachlivy hvałt u Mjanmie. Ułady Vialikabrytanii zajavili, što ŭzbrojenyja siły «zhańbili» siabie.
Padčas pratestaŭ u Mjanmie, jakija pačalisia paśla dziaržaŭnaha pieravarotu 1 lutaha, u haradach krainy zabili bolš za 400 čałaviek.
26 sakavika namieśnik ministra abarony Rasii Alaksandr Famin pravioŭ pieramovy ź lidaram vajennaj chunty Mjanmy, hienierałam Min Aun Chłainam, a na nastupny dzień pryniaŭ udzieł u vajennym paradzie, prymierkavanym da Dnia Uzbrojenych Sił Mjanmy. U Minabarony RF zajavili, što Rasija i Mjanma chočuć «pahłybić vajennaje i vajenna-techničnaje supracoŭnictva ŭ duchu stratehičnaha partniorstva». Rasija ličycca druhim najbujniejšym pastaŭščykom zbroi ŭ Mjanmu paśla Kitaja.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary