Suprać ukrainskaha siabra Łukašenki zaviali kryminalnuju spravu ab dziaržaŭnaj zdradzie
Suprać skandalna viadomaha ŭkrainskaha deputata Jaŭhiena Šaŭčenki zaviedzienaja kryminalnaja sprava ab dziaržaŭnaj zdradzie (111 artykuł ukrainskaha Kryminalnaha kodeksa). Pra heta jon sam napisaŭ u svaim Telehram-kanale paśla taho, jak adpaviednyja čutki pratačylisia ŭ ŚMI.
Pryčynu pieraśledu Šaŭčenka akreśliŭ tak:
«Šyjuć mnie stvareńnie «ruskaha śvietu» ŭ Ukrainie. Tupiejšaj padstavy nie zmahli znajści dla vykanańnia zamovy i prybirańnia kankurenta. Heta źviazana z maim siabroŭstvam ź Biełaruśsiu».
Šaŭčenka sapraŭdy ŭ apošni hod staŭ u Biełarusi šyroka viadomy jak aktyŭny prychilnik Łukašenki i jahony palityčny łabist u Ukrainie. Z samaha pačatku biełaruskich paślavybarčych pratestaŭ jon šmat vykazvaŭsia na biełaruskija temy, na ŭsie łady raschvalvajučy režym i ŭsialak haniačy jahonych apanientaŭ, nie spyniajučysia i pierad pramymi abrazami.
Niekalki razoŭ pryjazdžaŭ Šaŭčenka padtrymać svajho siabra — sam tak nazyvaŭ Łukašenku — i niepasredna ŭ Biełaruś. U lutym jon byŭ hościem «Usiebiełaruskaha narodnaha schodu», u krasaviku pryjazdžaŭ sustrakacca śpiecyjalna, a ŭ lipieni śpiavaŭ sa sceny Słavianskaha bazaru ŭ Viciebsku.
Jaŭhien Šaŭčenka z čyrvona-zialonym ściaham u ŭkrainskaj Viarchoŭnaj Radzie. Fota: kp.ua
Šaŭčenka byŭ abrany ŭ 2019 hodzie deputatam ad partyi «Słuha naroda» pa adnamandatnaj akruzie ŭ Zaparožžy (sam jon rodam ź Mielitopala Zaparožskaj vobłaści) i amal dva hady byŭ členam adpaviednaj frakcyi, jakaja składaje ŭ parłamiencie bolšaść. Ale takoha ciesnaha siabroŭstva z Łukašenkam kalehi pa frakcyi prabačyć jamu nie zmahli. Paśla niekalkich papiaredžańniaŭ sioleta 24 maja Šaŭčenka byŭ ź jaje vyklučany, i ciapier jon pazafrakcyjny deputat-adzinočka.
Ale sam deputacki status Šaŭčenki biełaruskaja prapahanda ŭsialak vykarystoŭvaje dla imitacyi lehitymnaści ciapierašniaj biełaruskaj ułady ŭ vačach palityčnaj elity susiedniaj krainy.
Ukrainskaha deputata, jaki sustrakaŭsia z Łukašenkam, vyklučyli z parłamienckaj frakcyi «Słuha naroda»
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary