Va Ukrainie aficyjna abviaścili pra stvareńnie sajuzu ź Vialikabrytanijaj i Polščaj u imia biaśpieki
Ministr zamiežnych spraŭ Ukrainy Dmytro Kuleba zajaviŭ pra stvareńnie rehijanalnaha sajuzu ŭ imia biaśpieki ź Vialikabrytanijaj i Polščaj, piša Radyjo Svaboda.
Fota: Ukrainskaja praŭda.
«Siońnia my majem honar i zadavalnieńnie paviedamić ab pačatku Ukrainaj, Vialikabrytanijaj i Polščaj novaha trochbakovaha farmatu supracy», — zajaviŭ Dmytro Kuleba 17 lutaha ŭ Kijevie na supolnym bryfinhu ź ministarkaj zamiežnych spraŭ Vialikabrytanii Liz Tras, jakaja znachodzicca va Ukrainie ź vizitam.
Ukrainski ministr udakładniŭ, što nieŭzabavie budzie vydadziena supolnaja zajava kiraŭnikoŭ źniešniepalityčnych viedamstvaŭ troch krain.
«Vialikaja Brytanija i Polšča buduć stajać pobač z ukrainskim narodam u namahańniach dziela abarony suvierenitetu i terytaryjalnaj cełasnaści ŭ mižnarodna pryznanych miežach. Polšča i Vialikabrytanija buduć dapamahać nam abaraniać našu dziaržavu. Taksama my skancentrujem svaje namahańni na trochbakovym farmacie ŭ ekanamičnaj, handlovaj i enierhietyčnaj supracy i ŭ baraćbie z dezynfarmacyjaj. Asobnuju ŭvahu try krainy buduć skiroŭvać na padtrymku Krymskaj płatformy», — udakładniŭ Kuleba.
U svaju čarhu, Liz Tras padkreśliła, što Vialikabrytanija zastajecca na baku Ukrainy i dapamahaje ŭ śfiery biaśpieki i abarony. «Siońnia ja chaču abviaścić pra nastupny kampanient našaj padtrymki — pavieličeńnie finansavaj padtrymki na 100 miljonaŭ jeŭra. Taksama ja radaja, što siońnia my zapuskajem trochbakovaje partniorstva z Ukrainaj i Polščaj. My aktyvizujem našu supracu ŭ halinie biaśpieki, sankcyjnaj palityki i ŭ baraćbie z dezynfarmacyjaj. Siońnia Złučanaje Karaleŭstva hatovaje stać pobač z našymi chaŭruśnikami ŭ Centralna-Uschodniaj Jeŭropie», — zajaviła jana.
Stvareńnie trochbakovaha aljansu ŭ imia biaśpieki anansavali ŭ Kijevie na pačatku lutaha, kali va ŭkrainskuju stalicu z adnačasovym vizitam prybyli kiraŭniki ŭradaŭ Polščy i Vialikabrytanii Matevuš Maraviecki i Borys Džonsan. Padpisańnie, jak śćviardžajuć infarmavanyja krynicy, tady nie adbyłosia, bo Liz Tras zachvareła na karanavirus i skasavała svoj vizit u Kijeŭ.
Čytajcie taksama:
Polšča, Brytanija i Ukraina stvarajuć novy vajenna-palityčny sajuz. Što pra jaho viadoma?
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ53
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary