Palitołah Kaciaryna Šulman paviedamiła «Nastojaŝiemu vriemieni», što źjechała z Rasii i znachodzicca ŭ Hiermanii jak stypiendyjat fondu Robierta Boša.
«Heta nie biesterminovaje mierapryjemstva, jano całkam abmiežavanaje časovymi terminami», — zaznačyła Šulman. Jana admoviłasia ličyć siabie «paŭnavartasnym emihrantam».
Kandydat palityčnych navuk Kaciaryna Šulman da apošniaha času źjaŭlałasia dacentam Maskoŭskaj Vyšejšaj škoły sacyjalnych i ekanamičnych navuk («Šaninka»), a taksama vykładała na kafiedry dziaržaŭnaha kiravańnia i publičnaj palityki Instytuta hramadskich navuk Ranchihs.
Da zakryćcia radyjostancyi «Echo Moskvy» viała tam aŭtarskuju prahramu «Status».
U kancy lutaha Šulman vystupiła suprać vajskovaha ŭvarvańnia rasijskich vojskaŭ na terytoryju Ukrainy. Paźniej stała viadoma, što MUS zaprasiła ŭ «Šaninki» dakumienty ab supracoŭnictvie z šeraham vykładčykaŭ, jakija «krytyčna vykazvajucca pra dziejnuju rasijskuju ŭładu». U ich liku nazyvałasia i Šulman.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary