Ukraincy źniščyli fłahman Čarnamorskaha fłotu — rakietny krejsier «Maskva»
«Krejsier «Maskva» Čarnamorskaha fłotu atrymaŭ surjoznyja paškodžańni ŭ vyniku detanacyi bojezapasu, jakaja adbyłasia z pryčyny pažaru», — zajaviła Ministerstva abarony Rasii. Raniej ukrainski bok zajaviŭ, što pa krejsiery byŭ naniesieny ŭdar dźviuma rakietami «Nieptun».
Ekipaž evakujavany, paviedamlaje TASS sa spasyłkaj na Minabarony Rasii. Pryčyny pažaru ŭstanaŭlivajucca.
Raniej u sieradu kiraŭnik Adeskaj abłasnoj administracyi pałkoŭnik Maksim Marčanka zajaviŭ, što ŭkrainskija vajskoŭcy nanieśli pa krejsiery «Maskva» udar supraćkarabielnymi kryłatymi rakietami «Nieptun» i pryčynili jamu surjoznyja paškodžańni.
«Jon pajšoŭ mienavita tudy, kudy jaho pasłali našy pamiežniki na vostravie Źmiainy! — napisaŭ Marčanka. — Rakiety «Nieptun», jakija stajać na varcie Čornaha mora, nanieśli rasijskamu karablu vielmi surjoznyja paškodžańni».
«Maskva» — fłahman Čarnamorskaha fłotu VMF RF i karabiel z samym mahutnym uzbrajeńniem na Čarnamorskim fłocie. Mienavita jon udzielničaŭ u zachopie vostrava Źmiainy, dzie adbyŭsia znakamity epizod z pahraničnikami i ich adkazam na ultymatum.
Ekipaž karabla składajecca z 510 čałaviek. Pavodle infarmacyi rasijskaha Minabarony, jon byŭ całkam evakujavany. Pravieryć hetuju zajavu niemahčyma.
Tusk zajaviŭ pra hatoŭnaść adkryć Babroŭniki i Kuźnicu ź listapada63
Kamientary