Hrodzienskaha śviatara, jaki publikavaŭ himn «Mahutny Boža», zvolnili z prychoda
Ijereja Andreja Nozdryna, nastajaciela pravasłaŭnaha prychoda ŭ Alšancy, vyzvalili ad pasady. Pra heta jon sam paviedamiŭ na svajoj staroncy ŭ Instahramie. U piatnicu ijerej praviadzie apošniuju słužbu.
«U piatnicu ŭ 9:00 budu słužyć apošniuju słužbu na Alšancy. Usich lublu i abdymaju», — napisaŭ jon.
Hrodzienka Volha Bondarava napisała na śviatara danos.
«Pamiatajecie bčb-papa Nozdryna, suhramadzianie, jaki spačatku byŭ za dziaržaŭny pieravarot, zatym publikavaŭ nacyscki himn Arsieńnievaj «Mahutny Boža» ŭ vykanańni hrodzienskich machlaroŭ u ryzach, repościŭ ekstremisckuju pamyjnicu «Tutbaj», a zatym apuściŭsia da padtrymki terarystyčnaha režymu Ukrarejcha?» — napisała Bondarava.
Pa jaje zajavie praviali pravierku. Parušeńniaŭ z boku Nozdryna nie vyjavili. Ale prafiłaktyčnuju hutarku ab vykanańni zakanadaŭstva i niedapuščeńni ździajśnieńnia ekstremisckich pravaparušeńniaŭ i złačynstvaŭ praviali.
Andrej Nozdryn — kliryk Hrodzienskaj jeparchii BPC, byŭ nastajacielem chrama Śpirydona Trymifunckaha ŭ Hrodnie. U žniŭni 2020 hoda zaklikaŭ nie raspalvać varožaść pamiž narodam i armijaj. Miarkujučy pa akaŭncie ŭ Fejsbuku, padtrymlivaŭ Viktara Babaryku. Vystupaŭ suprać vajny va Ukrainie, nahadvaje hrodna.life.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary