Polšča ź lipienia pačnie prymać zajavy na humanitarnyja vizy i VNŽ
Ź lipienia Polšča pačnie pryjom zajaŭ na humanitarnyja vizy i vidy na žycharstva, paviedamiŭ Centr biełaruskaj salidarnaści.
Adnosna humanitarnych vidaŭ na žycharstva ŭ MUS Polščy rastłumačyli, što ŭ dadzieny momant viadziecca zakanatvorčaja praca nad pastanovaj ministra ŭnutranych spraŭ u dačynieńni da hramadzian, jakija buduć mieć prava chadajničać ab nadańni dazvołu na časovaje znachodžańnie (VNŽ), praduhledžanaha ŭ art. 186, č. 1, p. 9 Zakona ab inšaziemcach (tak zvany «humanitarny vid na žycharstva»). Ciapier zaviaršajecca etap mižviedamasnych kansultacyj.
Toje ž tyčycca i pastanovy ministra ŭnutranych spraŭ ab humanitarnych vizach, z dapamohaj jakoj buduć uniesienyja źmieny ŭ pastanovu ab vizach dla inšaziemcaŭ. U ciapierašni čas viaducca ŭnutraviedamasnyja ŭzhadnieńni.
Zaviaršeńnie pracy nad hetymi dakumientami, a taksama ich aficyjnaje apublikavańnie zapłanavanyja na kaniec červienia. Ustupleńnie hetych pastanoŭ u zakonnuju siłu nastupić paśla zakančeńnia 14 dzion z momantu ich apublikavańnia.
«Važna adznačyć, što ŭ pastanovie ŭžo paznačanaja katehoryja «hramadzianie Biełarusi», heta aznačaje, što ŭsie biełarusy zmohuć chadajničać ab atrymańni humanitarnych vizaŭ i vidaŭ na žycharstva», — padkreślili ŭ CBS.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary