ISW: Pucinskaja mabilizacyja dazvolić tolki zachavać kolkaść armii va Ukrainie na ciapierašnim uzroŭni
Vašynhtonski Instytut vyvučeńnia vajny (ISW) apublikavaŭ svoj štodzionny biuleteń ab vajnie ŭ Ukrainie, siońnia jon byŭ čakana pryśviečany abjavie rasiejskim prezidentam častkovaj mabilizacyi. Jak mnohija inšyja zachodnija analityki, ISW nie ličyć, što heta radykalna źmienić situacyju dla Rasii.
Mabilizacyi moža być dastatkova dla taho, kab padtrymlivać kolkaść rasijskich vojskaŭ va Ukrainie na ciapierašnim uzroŭni, kampiensujučy paniesienyja straty. Pryčym navat heta nie fakt.
Nieviadoma, jakaja častka reziervistaŭ užo vajuje va Ukrainie (tyja, chto niadaŭna adsłužyŭ, byli asnoŭnaj mišeńniu kampanii pa rekrutavańni kantraktnikaŭ). Ale ŭ lubym vypadku, sałdat terminovaj słužby ŭ rasijskaj armii navučajuć pieršapačatkova drenna, a paśla zvalnieńnia ŭ zapas nie navučajuć naohuł.
Ministr abarony Siarhiej Šajhu skazaŭ, što mabilizacyja budzie prachodzić paetapna.
Heta aznačaje, što nijakich rezkich naroščvańniaŭ vojskaŭ va Ukrainie nie budzie, a značyć, i situacyja kardynalna nie źmienicca.
Takim čynam, rasijskaja mabilizacyja mała paŭpłyvaje na mahčymaść vyzvaleńnia Ukrainaj svajoj terytoryi na praciahu vosieni i zimy.
U svajoj pramovie Uładzimir Pucin čarhovym razam zhadaŭ jadziernuju zbroju, ale jon ničoha nie skazaŭ pra raspaŭsiud rasiejskaha jadziernaha parasonika na terytoryi, jakija jon maje namier anieksavać. Taksama jon nie źviazvaŭ mabilizacyju i anieksii. Prysutnaść hetych troch tem u adnoj i toj ža pramovie dazvalaje interpretavać ich jak ŭzajemaźviazanyja, adnak sam Pucin nijakaj pramoj suviazi nie pravioŭ, miarkujuć ekśpierty ISW.
Vylecieła ŭ nieviadomym kirunku śpikierka KR Anžalika Mielnikava30
Kamientary
Fiermiery-partizany v Mielitopole uhostili
okkupantov otravlennoj čieriešniej!
pravilno, śledujuŝij šah osvoboždienije Karielii ot Ordy !
Ivan, Častičnaja mobilizacija - eto kohda tiebia prizyvajut cielikom, a vozvraŝajut
po častiam