Dziaŭčyna apublikavała paviedamleńnie, u jakim prapanavała pieravozčyku «Atłasbas» adkazać na jaje pytańnie:
— Jak uvohule mahčyma, što maršrutka spakojna źjazdžaje biez čałavieka, kali jon užo 20 chvilin čakaje jaje na miescy? Siońnia a 6‑j ranicy adpraŭlali brata ź Minska ŭ Maładziečna. My byli na miescy ŭžo ŭ 5:40 na «Družnaj». U 6:03 kiroŭca admianiŭ zakaz z paznakaj, što brat nie źjaviŭsia. Nichto nie telefanavaŭ, u dadatku byŭ tolki numar koł-centra. Vy surjozna pakinuli čałavieka ŭ čužym horadzie, navat nie patelefanavaŭšy? A ŭ koł-centry tolki raźviali rukami. Heta taki servis? Pieravozčyk — TAA «Bieły Miška».
Na skarhu pasažyrki servis «Atłasbas» adreahavaŭ i prakamientavaŭ situacyju, padkreśliŭšy, što kampanija zajmajecca prodažam biletaŭ i nie maje ŭłasnaha transpartu.
Pavodle paviedamleńnia servisu, za vykanańniem raskładu pieravozčykami stroha sočać kantralujučyja orhany.
— Źviartajem uvahu, što na hetym maršrucie abzvon pasažyraŭ nie praduhledžany. U bilecie paznačana ŭsia nieabchodnaja infarmacyja, u tym liku čas i miesca adpraŭleńnia aŭtobusa. Pavodle najaŭnaj infarmacyi, hety rejs adpraviŭsia stroha pavodle raskładu. Siem pasažyraŭ paśpiachova sieli ŭ aŭtobus, — adznačyli ŭ «Atłasbas».
Aŭtarka dopisu vielmi emacyjna prakamientavała hety adkaz, zakranuŭšy taksama temy, jakija nie datyčylisia situacyi, što adbyłasia ź jaje bratam.
U tych, chto vykazaŭsia ŭ kamientaryjach, jość niekalki varyjantaŭ raźvićcia padziej.
«Telefanujcie ŭ słužbu padtrymki, prykładzicie fota bileta, kali jon byŭ zahadzia apłačany, i padavajcie dasudovuju pretenziju. Heta ŭžo nie pieršy taki vypadak, pra jaki čytaju», — raić adzin karystalnik.
«Atłasbas» tut ni pry čym, pytańni treba adrasoŭvać pieravozčyku», — tłumačyć inšy.
«Padajcie skarhu ŭ Ministerstva transpartu, i hety kiroŭca bolš tak rabić nie budzie», — upeŭnienaja karystalnica.
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ10
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary