Pryznali «ekstremisckim» telehram-kanał krajaznaŭčaha prajekta «Pošuki staroha Homiela»
Prajekt pa histaryčnych daśledavańniach Homiela isnuje z 2015 hoda. Spačatku heta była placoŭka dla kaardynacyi vałancioraŭ, jakija adnaŭlali histaryčny draŭlany dekor u Homieli. Z časam jana pieratvaryłasia ŭ krajaznaŭčuju supolnaść, paviedamlaje Biełaruski instytut publičnaj historyi.
«Navina kiepskaja, ale čakanaja, — kamientujuć aŭtary krajaznaŭčaha prajekta. — My nie budziem čakać detalaŭ spravy ad ananimnaha sudździ Centralnaha rajona Homiela i nieviadomaha zajaŭnika. Tym bolš nie budziem abskardžvać hetaje rašeńnie. My dobra viedajem canu takich rašeńniaŭ.
Što mahło nie spadabacca nieviadomamu inicyjataru pracesu? Našy samastojnyja histaryčnyja daśledavańni Homiela? Biełaruskaja mova? Niejki post za 12 hadoŭ isnavańnia pablika? Chutčej za ŭsio — usio razam. Nie šukajcie tut sensu».
Telehram-kanał praciahnie pracu, novyja materyjały buduć źjaŭlacca pa miery znachodžańnia ŭnikalnych fotazdymkaŭ. Farmat anłajn-viktaryn pakul prypynieny.
Taksama ŭ abnoŭlenym «Respublikanskim śpisie ekstremisckich materyjałaŭ źjavilisia:
- akaŭnt u X: Hrodna.life;
- instahram-staronki: bawola_glowa, hrodna.mylove (a taksama jaje łahatyp), hrodna1127, lookbymedia;
- Threads-staronki: kramapahonia, natalya.kukisheva;
- tyktok-akaŭnty: m.ganusevich, ZhiveBelarus, «Strana Dla Ludiej», Ford_Potato;
- telehram-kanał: «BIEŁARUSKAJA MOŁADŹ»;
- drukavanyja vydańni: tvory Alaksandra Bala «Biezžałostnyj Valsok» (2026) i «Noċ. A ty…» (2026), a taksama kniha Aleha Kašyna «Dobiejtie vyživšich. Istoki i smysł russkoho trampizma» (2026), 463 staronki.
Kamientary