Biełarus pakazaŭ niečakanaje miesca dla paśpiachovaj rybałki ŭ centry Minska
Minčuk Dźmitryj padzialiŭsia historyjaj niezvyčajna ŭdałaj rybałki, jakaja ździviła karystalnikaŭ sacyjalnych sietak. U toj viečar ničoha nie pradkazvała vialikaha ŭłovu, ale zvyčajny pachod z vudaj da najbližejšaha vadajoma prynios niečakany vynik, piša Tochka.by.
Rybak raskazaŭ, što razam ź siabrami vyrašyŭ prosta pasiadzieć kala doma, vypić limanadu, ale kala vady ich čakała pryjemnaja niečakanaść. Na adnym i tym ža miescy jamu ŭdałosia złavić niekalki bujnych linoŭ, laščoŭ. Taksama tam, kali pašancuje, možna sustreć i biełaha amura.
Svaim ułovam mužčyna pachvaliŭsia ŭ sacyjalnaj sietcy i paviedamiŭ, što rybačyŭ nie dzie-niebudź za horadam, a prosta na Śvisłačy ŭ centry Minska. Jon adznačyŭ, što paśla takoha vyniku niama asablivaha sensu jechać za dziasiatki kiłamietraŭ u pošukach rybnych miescaŭ.
Karystalniki adrazu pačali pytacca pra dakładnaje miesca ŭdałaha klovu, ale rybak svaje «sakretnyja kaardynaty» raskryvać nie staŭ.
Adnak niekatorymi svaimi nazirańniami jon usio ž padzialiŭsia. Pavodle jaho słoŭ, usia ryba była złoŭlenaja na zvyčajnuju papłaŭkovuju vudu. U jakaści prykormki jon vykarystaŭ tvaroh, panirovačnyja suchary i marcypan. Najlepš ryba brała na čarviaka i aparyša ŭ roznych spałučeńniach.
Inšyja rybaki adznačyli, što taki vypadak moža być nie adzinym. Niekatoryja karystalniki ŭspomnili, što niadaŭna bačyli padobnyja historyi pra vialikija ŭłovy ŭ Minsku, kali rybaki taksama łavili bujnych laščoŭ prosta ŭ miežach horada.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary