Cana na ałkaholny kaktejl — heta indykatar uzroŭniu tusovačnaha žyćcia horada. Jon pakazvaje, kolki ludzi hatovyja płacić za estetyku, dobry nastroj i hiedanizm. My pahladzieli, kolki zaraz kaštujuć roznyja napoi ŭ staličnych barach.
Pačniom ź miesca na tusovačnaj Kastryčnickaj vulicy. Kraftavy bar Spichki prapanuje aŭtarskija kaktejli ad 10 rubloŭ. Tak, firmovy napoj z nazvaj, anałahičnaj baru, kaštuje 12 rubloŭ i źjaŭlajecca adnym z samych darahich. U 80 mł uvachodziać likiory amareta, kampary, limonny sok i vieniesuelski napoj anhastura.
Voś što bar prapanuje jašče:
- Fikeplace (załataja tekiła, kampary, sirop marakui, limonny sok i Sprite) — 12,5 rubla za 170 mł,
- Porto Flip (brendzi, partviejn, mindalny sirop, žaŭtok i muskatny arech) — 12 rubloŭ za 80 mł,
- Candy Time (harełka, jabłyčny i limonny soki, sirop babł ham) — 10 rubloŭ za 170 mł,
- Creamy Passion (harełka, sirop babł ham, viarški i Sprite) — 10 rubloŭ za 200 mł.
Cana špryc-kaktejlaŭ — ad 8,5 da 13 rubloŭ. A zvyčajnaja «Kryvavaja Mery» tut kaštuje 10 rubloŭ za 230 mł.
Adnosna novy bar Molodoi na Viery Charužaj taksama robić akcent na aŭtarskich napojach, ale ž siarod ich zaŭvažana i «Kryvavaja Mery». Kaktejli tut kaštujuć pa 18 rubloŭ, u mieniu paznačany abjom kožnaha. Napoj pad nazvaj «Kosma deluks» źmiaščaje 111 mł, «Dym u vočy» — 91 mł, «Jabłyčny himlet» — 110 mł, «Pałoma» — 225 mł, a «Kryvavaja Mery» — 200 mł.
Pieramiaščajemsia na Zybickuju i zahladajem u mieniu bara «Na plažy», dzie cana kaktejlu pačynajecca ad 18 rubloŭ i zakančvajecca 40. Samyja tannyja napoi — Paloma Parsley, Modern Pina Colada, Smoked Punch, Missionary Downfall. Za 22 rubli tut možna zamović try kaktejli — Dark'n'stormy, Mai Tai i Hiki Hoho. Na try rubli daražej budzie kaštavać Zombie. A firmovy kaktejl «Ananas na plažy», jaki padajuć u sapraŭdnym ananasie, abydziecca ŭ 40 rubloŭ.
Papularny i ŭnikalny bar «Siniaja Kaza» prapanuje tolki aŭtarskija kaktejli. Tak, «Małako Siniaj Kazy» kaštuje 14 rubloŭ, «Imbirnaja Kaza» — 15, firmovy šot i nastojki ŭ asartymiencie — pa 5 rubloŭ.
A ŭ bary «Biassońnica» na Hiercena luby ałkaholny kaktejl kaštuje 17 rubloŭ. Tut jość Mao (rezki rom, mocnaja zialonaja harbata i łajm), Pacific Ocean (tekiła, piersik, łajm i likior kuraso), Porn Star (harełka, marakuja, cytrusavyja i vanil) i inšyja.
Ciapier čytajuć
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
eto vot, čto na foto, eto estetika?