Dola terminovych układaŭ u biełaruskich rublach za treci kvartał hetaha hoda vyrasła ŭ Biełarusi z 37,6 % da 39,7 %. Takija ličby pryvodzić Nacyjanalny bank.
Tendencyi, pa acency rehulatara, spryjali ŭstojlivyja tempy rostu rublovych układaŭ, jakija, pa źviestkach na 1 kastryčnika, dasiahnuli 6,13 miljarda rubloŭ. Kali paraŭnoŭvać ź situacyjaj na 1 lipienia, jany pavialičylisia za hety čas na 320 miljonaŭ rubloŭ — abo na 5,5 %.
Adnosna ŭkładaŭ u zamiežnaj valucie, to za treci kvartał jany skaracilisia na 1,7 % — abo na 64 miljony dalaraŭ u ekvivalencie. Pa źviestkach na 1 kastryčnika, dola takich układaŭ skłała 3,75 miljarda dalaraŭ.
Udzielnaja vaha srodkaŭ układčykaŭ-rezidentaŭ u sumarnym abjomie bankaŭskich układaŭ na spravazdačnuju datu skłała 97,3 %. Pa vynikach treciaha kvartała hetaja ličba amal nie źmianiłasia.
Kamientary