Da Novaha hoda zastajecca krychu bolš za miesiac, ale haradskija ŭłady ŭžo raspracavali ahulnaharadski płan z 250 asnoŭnych mierapryjemstvaŭ pa śviatkavańni. Roznyja pradstaŭleńni i imprezy praciahnucca z 12 śniežnia pa 15 studzienia. Pra heta «Minsk-Navinam» raspavioŭ načalnik upraŭleńnia kultury Minharvykankama Vital Brel.
— U navahodniuju noč śviatočnyja imprezy projduć na 22 staličnych placoŭkach. Asnoŭnyja hulańni razhornucca kala Pałaca sportu. Tam z 25 śniežnia pa 7 studzienia z 19:00 da 19:45 budzie prachodzić interaktyŭnaje teatralizavanaje šou «Kazka ŭ momancie», — paviedamiŭ V.Brel.
Pa jaho słovach, arhanizatary šou pasprabujuć uznavić atmaśfieru staradaŭniaha Minska. U asnovu siužeta pakładziena sprečka starejšaha i małodšaha pakaleńnia pra toje, jakaja navahodniaja historyja cikavaja sučasnamu hledaču.
— Hałoŭnaja dumka ŭsioj pastanoŭki: sapraŭdnaja kaštoŭnaść — u adzinstvie, a nie ŭ roznahałośsi, — rastłumačyŭ načalnik upraŭleńnia kultury Minharvykankama.
Taksama ŭ Pałacy sportu, pačynajučy z 25 śniežnia, z 14:00 i dalej štohadziny da hledačoŭ buduć vychodzić Dzied Maroz, Śniahurka i inšyja piersanažy-animatary.
Na hetaj ža placoŭcy 25 śniežnia z 19:00 da 22:00 płanujuć pravieści interaktyŭna-zabaŭlalnuju prahramu «Ščodry viečar».
31 śniežnia, u navahodniuju noč, na ŭsich 22 placoŭkach minčan i haściej stalicy čakaje śviatočnaja prahrama «Novy hod dla ŭsich». Jana budzie doŭžycca z 00:30 da 4:00. U joj prymuć udzieł dydžei i papularnyja tancavalnyja kalektyvy.
7 studzienia z 19:30 da 22:00 na placoŭcy kala Pałaca sportu adbudziecca siamiejnaja kancertnaja prahrama «Kalady i Z Novym hodam!».
U Vierchnim horadzie taksama płanujuć pravieści niekalki interaktyŭnych pradstaŭleńniaŭ. Z 25 śniežnia pa 2 studzienia ŭklučna štodzień z 17:00 da 17:30 i z 20:00 da 20:30 budzie prachodzić «Bal navahodnich žadańniaŭ». Płanujecca, što scena budzie ŭjaŭlać saboj interaktyŭnuju jołku. Vakoł jaje projduć asnoŭnyja śviatočnyja dziejańni. Zachavalniki navahodnich tajamnic Ratušy raskažuć historyju pra daŭnija tradycyi praviadzieńnia Novaha hoda ŭ Vierchnim horadzie. Nahadajem, adnym z takich zvyčajaŭ byŭ štohadovy navahodni bal, na jaki haradžanie prychodzili ŭ maskaradnych kaściumach.
Jašče na adnoj novaj placoŭcy, u dvoryku na vulicy Rakaŭskaj, 25, projdzie navahodni kirmaš. Jon budzie ładzicca z 25 śniežnia pa 8 studzienia štodnia z 18:00 da 19:00.
— Žycharoŭ i haściej stalicy budzie čakać interaktyŭnaja prahrama z udziełam Dzieda Maroza i Śniahurki, kazačnych piersanažaŭ, biasprojhryšnaja łatareja, karaokie, budzie arhanizavany pakaz navahodnich filmaŭ, — raspavioŭ V. Brel.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary