Paźniak nie vyklučaje mabilizacyi ŭ Biełarusi, ale prahnazuje jaje niečakany pavarot
Zianon Paźniak na kanale espresso.tv nie vyklučyŭ, što biełarusaŭ mabilizujuć na vajnu z Ukrainaj, ale jon ličyć, što ŭ takim vypadku padziei buduć raźvivacca niečakana dla ŭładaŭ. Taksama Paźniak vykazaŭ zdahadku, navošta Pucinu davać Łukašenku jadziernuju zbroju.
Zianon Paźniak źviartaje ŭvahu, što ciapier u Biełaruś pastupova ściahvajucca rasijskija vojski — tanki, bronietransparciory, žyvaja siła. Jak jon ličyć, heta moža śviedčyć, što Pucin choča paŭtaryć napad na Kijeŭ. «Kali mabilizavać 1,5—2 miljony, to z hetymi siłami mahčyma vystupić ź Biełarusi», — kaža jon.
«Zaraz situacyja niapeŭnaja, ale tendencyja vielmi niecharošaja. Tendencyja takaja, što Rasija, na moj pohlad, zadumała novy nastup na Kijeŭ šlacham stvareńnia mabilizacyjnaj hrupoŭki ŭ Biełarusi», — kaža jon.
Pa słovach Paźniaka, biełarusy bajacca mabilizacyi, abmiarkoŭvajuć heta ŭ sietkach, čatach, dumajuć, što rabić u hetaj situacyi.
Palityk miarkuje, što ŭ vypadku mabilizacyi biełarusy buduć vyjazdžać za miažu, chavacca. Ale niekatoryja, «bolš śmiełyja, bolš śviadomyja, jany pojduć, kab atrymać zbroju».
«Jość takija dumki, što nie treba iści na mabilizacyju, treba chavacca, paźbiahać jaje. Druhaja dumka, što treba iści i atrymać zbroju, i sa zbrojaj budzie zusim druhaja razmova», — takija nastroi naziraje Zianon Paźniak.
«Palityku, jakuju jany pravodziać, treba vykarystać u svaich intaresach», — tak bačyć pravilnuju taktyku palityk.
Jon miarkuje, što Łukašenka heta razumieje i hetaha baicca.
Ciapier ža, pavodle Paźniaka, «idzie takaja hulnia, kab uciahnuć Łukašenku». Paźniak nahadaŭ, što paśla sustrečy z Pucinym Łukašenka zajaviŭ, što jamu paabiacali samaloty, jakija buduć nieści «śpiecyjalnuju» zbroju.
«Łukašenka ŭvieś čas chacieŭ jadziernuju zbroju», — źviartaje ŭvahu Paźniak. Pavodle jaho, ad Łukašenki «možna čakać čaho chočaš». Jon nie vyklučaje, što Pucin choča hetym skarystacca, kab pieranieści adkaznaść za mahčymaje vykarystańnie jadziernaj zbroi na Łukašenku, bo «toj moža heta zrabić» [užyć jadziernuju zbroju].
«Ja b da hetaha staviŭsia vielmi surjozna, viedajučy vielmi dobra Łukašenku», — kaža Paźniak.
«Tamu što dla Pucina vielmi važna vinu zvalić na Łukašenku, znajści vinavataha. Tamu nievypadkova, što jon paabiacaŭ jamu jadziernuju zbroju, hetyja samaloty, jakija mohuć hetyja bomby vazić. Kali b Łukašenka zrabiŭ by niejki ŭčynak, to što ž, Pucin tut ni pry čym. Heta ž Łukašenka zrabiŭ. Heta Biełaruś vinavata. Tamu heta takaja prymityŭnaja chitraść z boku Pucina, jakuju ŭsie razumiejuć», — miarkuje Paźniak.
Palityk tradycyjna niehatyŭna vykazaŭsia pra siońniašniuju apazicyju, jaje pierśpiektyvy, a taksama pra palityku Jeŭropy ŭ adnosinach da Biełarusi.
«Maja nadzieja na nacyjanalna-vyzvalenčyja siły, jakija supracoŭničajuć z Ukrainaj, jakija vajujuć va Ukrainie, jakija žyćci addajuć za svabodu Ukrainy i Biełarusi. Voś heta sapraŭdnaja siła. Za joj budučynia», — skazaŭ Paźniak.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej4
Kamientary
Chorošo znakomyj narativ khbešnikov.
Dieł nol, no žiełċ nie ostanavlivajetsia.
Imienno eti piersonaži vsie 28 let i razvodili srač, poetomu my tam hdie siejčas i vsia nadiežda tolko na skoriejšuju pobiedu Ukrainy.
Diełať to čto priedłohaješ poźniak?
Ach da obviniať vsiech vokruh i bałabliť.