Biełarusa pryznačyli hałoŭnym zaprošanym dyryžoram u teatr na Sicylii
Pra pryznačeńnie ŭ sicylijski Teatro Massimo Bellini dyryžor Vital Aleksiajonak paviedamiŭ na svajoj staroncy ŭ fejsbuku.
«Ź vialikaj radaściu chaču paviedamić vam, što mianie pryznačyli hałoŭnym zaprošanym dyryžoram teatra Masima Bielini ŭ Katanii (Sicylija)! My ŭžo vystupali razam na minułym pieradnavahodnim kancercie i taksama adkryvali ciapierašni simfaničny siezon. I ciapier hety vydatny arkiestr, uvieś kalektyŭ teatra i ja praciahniem pracavać razam na stałaj asnovie», — padzialiŭsia Vital Aleksiajonak.
Dla biełaruskaha dyryžora heta nie pieršaja praca na prystyžnaj mižnarodnaj scenie. U 2021 hodzie Vital Aleksiajonak siensacyjna pieramoh na konkursie imia Artura Taskanini. Ź italjanskaj Parmy jon pryvioz nie tolki pieršaje miesca, ale i pryz hladackich simpatyj.
Taksama dyryžor pracavaŭ u miłanskim Ła-Skała. Na lehiendarnaj scenie jon pastaviŭ opieru Pjeranžeła Valtynoni «Maleńki prync». A naprykancy 2022 hoda Vital byŭ zaprošany na pracu ŭ Niamieckuju opieru na Rejnie.
Čytajcie taksama:
«Usio vyrašajecca ŭ pieršyja 15 chvilin». Vital Aleksiajonak raspavioŭ, jak staŭ dyryžoram Niamieckaj opiery na Rejnie
«Nastaŭnik kazaŭ baćku: «Lepš nie mučyć, słychu ŭ jaho niama». Biełarus vyjhraŭ adzin z samych prestyžnych konkursaŭ dla dyryžoraŭ
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju29
Kamientary