Statystyka pakazvaje, jak źbiadnieli rasijanie paśla pavarotu Rasii da impieryjalizmu. Razam ź imi i biełarusy
Ekanamist Anton Kuzaŭka sa Smalenskaha ŭniviersiteta sabraŭ statystyku abarotu roźničnaha handlu. Jana pakazvaje, jak upaŭ uzrovień žyćcia rasijan paśla 2014 hoda. Mienavita ŭ 2014 hodzie Rasija raźviazała vajnu va Ukrainie i anieksavała Krym. Razam z Rasijaj biadnieli i biełarusy, bo ekanomika Biełarusi pryviazanaja da rasijskaj.
Paśla 2010 hoda roźničny abarot na dušu nasielnictva — a heta pakazčyk taho, kolki ludzi spažyvajuć i kolki traciać — nie vyras ni ŭ Rasii, ni ŭ Biełarusi. Padzieńnie vyrazna vidać paśla 2014 hoda, kali Maskva z zachopam Kryma i Danbasa pačała realizacyju svajoj daŭniaj impieryjalistyčnaj prahramy.
U Maskvie pik najlepšaha žyćcia, kali sudzić pa hetym indykatary, byŭ u 2013 hodzie. Tady na adnaho maskviča prychodziłasia 10,5 tysiačy dalaraŭ roźničnaha tavaraabarotu. U 2020 hodzie hetaja ličba ŭpała roŭna ŭ 2 razy — da 5,7 tysiačy dalaraŭ.
Roźnica ŭ dabrabycie pamiž Maskvoj i Smalenskaj vobłaściu vyrazna skaraciłasia. U 2013 hoda jana składała 6000 dalaraŭ roźničnaha tavaraabarotu na čałavieka, a ŭ 2020-m — try tysiačy, uzrovień žyćcia ŭ Maskvie značna ŭpaŭ.
Najlepšyja časy ŭ biełaruskim handli pryjšlisia na 2013—2014 hady. U Minsku ŭ 2014 hodzie roźničny tavaraabarot na čałavieka składaŭ 4700 dalaraŭ, a ŭ 2020 hodzie — tolki 3300. Hetyja ličby pakazvajuć, što ekanamičnyja prablemy Biełarusi źviazanyja z palitykaj Rasii i pryviazkaj biełaruskaj ekanomiki da rasijskaj.
Vylecieła ŭ nieviadomym kirunku śpikierka KR Anžalika Mielnikava30
Kamientary
A jeśli učiesť, čto bolšie połoviny biełorusov sčitajet, čto propadiot biez Rośsii, to dna u padienija v niŝietu niet.
Kak i niet dna u łži, tierrorie, rieprieśsijach biełorusov.
Vsiudu tolko načało.