Studentam prapanavali pravieści «mierapryjemstvy, prymierkavanyja da lubovi da Radzimy».
Infarmacyja pra zabaronu mierapryjemstvaŭ da Dnia śviatoha Valancina źjaviłasia ŭ sacsietkach. Jaje ž «Našaj Nivie» paćvierdzili niekatoryja studenty.
Adzin ź ich raskazvaje, što jašče ŭ listapadzie minułaha hoda ŭ BDU pryjšoŭ list źvierchu z patrabavańniem «impartazamiaščeńnia zachodnich śviataŭ» z-za papularnaści Chełoŭina, jaki «nie adpaviadaje tradycyjam biełaruskaha naroda i zhubna ŭpłyvaje na maładoje pakaleńnie».
«Zabarona Dnia śviatoha Valancina, vidać, zakanamierny praciah hetaha ž šlachu. Jany patrabavali alternatyvy papularnym śviatam», — kaža jon.
Pa słovach studentaŭ, na miescy za «paradkam» sočyć prarektarka pa vychavaŭčaj pracy i sacyjalnych pytańniach u BDU Hanna Bakun, kandydat jurydyčnych navuk. Da hetaha jana ŭžo zabaraniała pravodzić niekatoryja śviaty.
U pryjomnaj prarektarki na pytańnie ab tym, jak možna adśviatkavać Dzień śviatoha Valancina ŭ internacie, adkazać pa telefonie admovilisia, prapanavali zapisacca da Bakun na asabisty pryjom.
Da listapada 2022-ha Hanna Bakun zajmała pasadu namieśnika dekana pa vychavaŭčaj pracy jurydyčnaha fakulteta BDU. Paśla jaje pavysili da pasady prarektara ŭniviersiteta.
Bakun akazvała cisk na pratestujučych studentaŭ. Jana zahadvała im pisać tłumačalnyja, «zaprašała» na pasiadžeńni prafiłaktyki pravaparušeńniaŭ, vypisvała zaŭvahi za propuski tolki «niebiaśpiečnym» studentam, matyvujučy heta tym, što jany «psujuć reputacyju BDU».
Hanna Bakun taksama vystupała śviedkaj na sudzie «pa spravie studentaŭ».
Raniej jana pakidała kamientaryj pad adnym z pastoŭ MZS Biełarusi.
«Najlepšaja zajava biełaruskaha MZS! Lubimuju nie pradajuć Dziarždepu! My — nie lićviny!» — napisała jana.
Čytajcie taksama:
Z žurfaka BDU syšła dekan — jana adličvała studentaŭ paśla sutak
Siarhiej Haranin: Uzajemadapamoha i salidarnaść siońnia začynienyja ŭ kamierach. Ale jany zachoŭvajucca
Pašyryli śpis VNU, u jakija alimpijadniki mohuć pastupać biez ekzamienaŭ
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary