Ukraina rasśleduje dačynieńnie Biełarusi da prymusovaha vyvazu dziaciej z akupavanych terytoryj
Pa fakcie «prymusovaj pieravozki / departacyi bolš za 19 tysiač dziaciej» z akupavanych rehijonaŭ va Ukrainie raspačali kryminalnuju vytvorčaść, paviedamiŭ hienieralny prakuror Ukrainy Andrej Kościn.
Dziaciej vyvieźli z nastupnych abłaściej:
— Danieckaj,
— Łuhanskaj;
— Zaparožskaj;
— Chiersonskaj;
— Charkaŭskaj.
«Fakt i abstaviny vyvazu ŭkrainskich dziaciej z časova akupavanych terytoryj Ukrainy ŭ tak zvanyja azdaraŭlenčyja łahiery na terytoryi Biełarusi ciapier rasśledujucca va ŭkazanaj kryminalnaj vytvorčaści», — adznačyli ŭ ofisie hienprakurora.
Zajava Ukrainy ab departacyi dziaciej stała adkazam na paviedamleńnie apazicyi Biełarusi ab tym, što 2150 niepaŭnaletnich, u tym liku dziaciej-sirot va ŭzroście ad 6 da 15 hadoŭ, vyvieźli ŭ tak zvanyja azdaraŭlenčyja łahiery i sanatoryi.
Dziaciej mahli raźmiaścić u dvuch biełaruskich sanatoryjach: «Załatyja piaski» ŭ Homielskaj vobłaści i sanatorna-kurortnym łahiery «Astrašycki Haradok», — dadajuć u ofisie hienprakurora.
Pieradača dziaciej u inšuju krainu była niezakonnaj i parušała Ženieŭskija kanviencyi i Statut MKS.
Z padkantrolnych RF terytoryj Ukrainy dziaciej aŭtobusam dastavili ŭ Rasiju, a zatym ciahnikom vieźli ŭ Biełaruś.
«Łukašenka asabista addaŭ zahad ab pieradačy dziaciej-sirot u Biełaruś i spryjaŭ ich pryjezdu finansavaj i arhanizacyjnaj padtrymkaj», — dadajuć u ofisie Hienprakuratury.
Vypadki niezakonnaha pieramiaščeńnia Rasijaj 164 ukrainskich dziaciej va ŭzroście 4—18 hadoŭ pryznała niezaležnaja Mižnarodnaja kamisija pa rasśledavańni parušeńniaŭ va Ukrainie AAN.
Niekalki krain ES pahadziłasia źviarnucca ŭ Mižnarodny kryminalny sud z pryčyny departacyi ŭkrainskich dziaciej u Biełaruś
Parłamienckaja asambleja Rady Jeŭropy pryznała Łukašenku datyčnym da departacyi ŭkrainskich dziaciej
Trybunał dla Pucina i Łukašenki — što značyć rezalucyja Jeŭraparłamienta i jak taki sud budzie vyhladać
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary