Paŭnočnaja Kareja zapuściła balistyčnuju rakietu sa spadarožnikam-špijonam. Jana nie dalacieła da kosmasu i razvaliłasia
Paŭnočnaja Kareja zapuściła balistyčnuju rakietu, pa jaje zapeŭnieńniach, dla vyvadu na arbitu jaje pieršaha kaśmičnaha spadarožnika. Ale nieŭzabavie paśla zapusku rakieta razvaliłasia i ŭpała ŭ mora.
KNDR raniej paviedamlała, što da 11 červienia zapuścić svoj pieršy kaśmičny spadarožnik. Pchieńjan nie chavaŭ, što spadarožnik budzie raźviedvalnym, piša Bi-bi-si.
Aficyjnaje ahienctva CTAK paviedamiła, što paśla zapusku ŭ ruchaviku rakiety adbylisia niepaładki.
Paŭdniovakarejskija vajskoŭcy ŭ cełym paćviardžajuć hetuju zajavu. Pa ich słovach, rakieta chutka źnikła z ekranaŭ radaraŭ i razvaliłasia ŭ pavietry, paśla čaho abłomki sapraŭdy ŭpali ŭ Žoŭtaje mora na zachad ad Karejskaha paŭvostrava.
Armija Paŭdniovaj Karei zajaviła, što jana znajšła ŭ mory i vyłaviła hetyja abłomki, a potym raspaŭsiudziła fatahrafii znojdzienaha ŭ mory vialikaha bočkapadobnaha mietaličnaha abjekta z trubami i pravadami.
Pavodle analizu, heta i jość toj samy raźviedvalny spadarožnik; u Sieule ŭ vyniku pryjšli da vysnovy, što rakieta sapraŭdy pryznačałasia dla zapusku kaśmičnaha spadarožnika.
Heta ŭžo šostaja z 2016 hoda sproba Paŭnočnaj Karei zapuścić kaśmičny spadarožnik. CTAK zajaviła, što ŭ chutkim časie kraina raspačnie novuju sprobu.
Pusk paŭnočnakarejskaj rakiety vyklikaŭ tryvohu i źbiantežanaść na poŭdni, a taksama ŭ niekatorych rajonach Japonii.
U Sieule spracavali sireny pavietranaj tryvohi, a abanientam sotavaj suviazi było razasłana papiaredžańnie ab nieabchodnaści rychtavacca da evakuacyi. Praz 20 chvilin pryjšło novaje paviedamleńnie, što papiaredniaje było pamyłkovym.
Papiaredžańnie taksama było razasłana žycharam paŭdniovaha japonskaha vostrava Akinava.
Zapusk rakiety Paŭnočnaj Karejaj užo asudzili ZŠA, Japonija i AAN, jakija zaznačyli, što jon parušaje rezalucyi Rady Biaśpieki AAN.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii9
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary