U ŚMI trapiŭ padobny da sapraŭdnaha kantrakt, jaki dakazvaje prodaž Rasii bojeprypasaŭ z boku Irana
Brytanskija ŚMI atrymali dostup da mahčymaha kantrakta na pastaŭku zbroi, jaki moža być pieršym važkim dokazam taho, što Iran pradavaŭ bojeprypasy Rasii dla jaje vajny va Ukrainie.
Jak piša «Jeŭrapiejskaja praŭda», z dakumientam aznajomiŭsia brytanski kanał Sky News.
Kali hety 16-staronkavy dakumient, datavany 14 vieraśnia 2022 hoda, aŭtentyčny, to ŭ im havorycca pra ŭzory artyleryjskich i tankavych snaradaŭ i rakiet roznaha pamieru na ahulnuju sumu krychu bolš za 1 młn dalaraŭ.
Krynica pieradała telekanału dakumient razam ź piaćciu staronkami nibyta źviazanaha kantrakta, jaki ŭklučaje ŭ siabie stvały dla tanka T-72 i stvały dla haŭbicy, a taksama snarady da jaje. Hetaja ździełka kaštavała kala 740 000 dalaraŭ ZŠA.
«Heta kantrakt pamiž irancami i rasijanami pa bojeprypasach… My ličym, što jon na 100% aŭtentyčny», — śćviardžaje krynica ŭ orhanach biaśpieki Brytanii.
Sky News pakazaŭ dakumienty premjeru Ukrainy Dzianisu Šmyhalu padčas jaho vizitu ŭ Vialikabrytaniju ŭ mai, a taksama ministru zamiežnych spraŭ Vialikabrytanii Džejmsu Klevierli.
Kijeŭ i Łondan zajavili, što płanujuć rasśledavać praŭdzivaść materyjału i buduć prymać miery, kali budzie ŭstanoŭlena, što jon zasłuhoŭvaje davieru.
«My padazravali, što adbyvajecca niešta padobnaje. Jak tolki my pravierym heta naležnym čynam, my zmožam dziejničać adpaviedna», — skazaŭ ambasadar Ukrainy ŭ Brytanii Vadzim Prystajka.
«Kali nam budzie pieradadziena infarmacyja, my budziem sprabavać acanić jaje i paćvierdzić. I, viadoma, my budziem prymać rašeńni na asnovie hetaha», — adznačyŭ u svaju čarhu kiraŭnik MZS Brytanii Džejms Klevierli.
Prystajka taksama zajaviŭ, što kantrakt, kali jon sapraŭdny, jość dokazam taho, što ŭ Rasii zakančvajucca vajskovyja zapasy.
«Toje, što jany kažuć pra takija prostyja rečy, jak uzbrajeńnie, jak bojeprypasy, śviedčyć pra toje, što rasijskaja pazicyja sapraŭdy davoli składanaja», — adznačyŭ jon.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary