Brytanski hatel pad nazvaj Deep Sleep («Hłyboki son») aficyjna pryznali samym hłybokim u śviecie. Turystam prapanujuć pieranačavać na hłybini bolš za 400 mietraŭ pad ziamloj, piša vydańnie Daily Mail.
Hatel adkryli ŭ zakinutaj šachcie viktaryjanskaj epochi ŭ hornym masivie Snaŭdonija na hłybini 1375 futaŭ, ci 419 mietraŭ.
Miescaŭ u hateli niašmat. Zabraniravać možna ŭsiaho čatyry dvuchmiesnyja domiki i adzin kamienny hrot z dvuchspalnym łožkam. Adpaviedna načleh i niatanny: 350 funtaŭ sterlinhaŭ (440 dalaraŭ) za domik abo 550 funtaŭ (691 dalar) za ramantyčny hrot. Pryčym zabraniravać miescy možna tolki na adnu noč z suboty na niadzielu.
Jašče adzin niuans — daroha ŭ niezvyčajny hatel. Turystam prapanujuć spačatku ździejśnić 45-chvilinnaje ŭzychodžańnie ŭ hory, a zatym jašče hadzinu patracić na padziemny spusk pa staradaŭnich šachciorskich štrekach.
Ałkahol u hateli zabaronieny, a voś za śniadanak i viačeru ŭžo dapłačvać nie daviadziecca — jany ŭklučanyja ŭ košt.
Jašče adna asablivaść padziemnaha hatela ŭ tym, što ŭ im chaładnavata — usiaho kala 10 hradusaŭ pa Celsiju. Numary, adnak, acieplenyja, da taho ž abstalavanyja tualetam, jość vada i elektryčnaść, pracuje Wi-Fi.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki3
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
i tam pryhoža. u sensie - sami šachty. ale maŭklivaja mebla - heta žach