«Narešcie źjaviłasia mahčymaść pisać za stałom, a nie na kalenku». Palitviazień Hundar dasłaŭ pieršy list
U pačatku červienia asudžanaha na 20 hadoŭ viaźnia etapavali z karcara ŭ kałoniju.
Palitviazień Uładzimir Hundar dasłaŭ z kałonii pieršy list.
Hrodzienski abłasny sud 6 červienia pakinuŭ prysud palitviaźniu bieź źmien — 20 hadoŭ kałonii. Užo na nastupny dzień adrazu z karcara jaho etapavali ŭ kałoniju. Pry hetym žoncy Hundara dazvolili spatkańnie, ale jana nie paśpieła trapić na jaho praz chutki etap.
Dačka Hundara ŭ fejsbuku napisała, što ad Uładzimira pryjšoŭ pieršy list.
«Piša, što pačuvajecca narmalna i ŭ jaho paśla ŭsich hadoŭ niespraviadlivaha źniavoleńnia źjaviłasia mahčymaść pisać za stałom, a nie na kalenku.
Vielmi źniervavaŭsia, što nas pazbavili zakonnaha spatkańnia. I jašče adna niepryjemnaja situacyja, što ŭ pracesie etapu straciŭ dva sšytki sa svaimi składankami biblejskimi», — cytujuć list dački pravaabaroncy.
Padtrymajcie Uładzimira: PK № 2, 213800, Babrujsk, Sikorskaha, 1, Uładzimir Tadevušavič Hundar (na kanviertach treba pisać «karancin»).
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary