Kožny vośmy sučasny školnik maje vysokuju imaviernaść psichičnaha rasstrojstva
Vyniki maštabnaha daśledavańnia, praviedzienaha Słužbaj hramadskaj achovy zdaroŭja Francyi, pakazali, što tryvožnyja i depresiŭnyja rasstrojstvy čaściej sustrakajucca ŭ dziaŭčatak. Chłopčyki bolš schilnyja da pavodzinskich razładaŭ.
Jak piša Le Monde, pieršym ahulnanacyjanalnym daśledavańniem psichičnaha zdaroŭja školnikaŭ 6-11 hadoŭ, jakoje prachodziła ŭ mai-lipieni 2022 hoda, było achoplena zvyš 8 tysiač dziaciej z 400 vypadkova vybranych dziaržaŭnych i pryvatnych škoł.
Daśledčyki abapiralisia na apytalnik mocnych bakoŭ i ciažkaściej SDQ (Strengths and Difficulties Questionnaire), jaki dazvalaje pravieści skryninh pavodzin dziciaci.
Apytalnik zapaŭniali nastaŭniki i baćki. Apošnija pavinny byli taksama adkazać na pytańni ab dohladzie dziaciej, asiarodździ, u jakim jany žyvuć (žyllo, najaŭnaść bratoŭ i siaścior), ładzie žyćcia (čas pierad ekranam, spartyŭnaja abo kulturnaja dziejnaść i h. d.), jaho zdaroŭi i zdaroŭi jaho baćkoŭ, sacyjalnaj padtrymcy i h. d.
Dzieciam taksama było prapanavana prajści dva apytańni na płanšetach. Pieršaje było nakiravana na acenku imaviernaści prablem psichičnaha zdaroŭja. Druhoje vyśviatlała ich fizičny i emacyjny dabrabyt, samaacenku, adnosiny ź siabrami i siamjoj, paśpiachovaść u škole. Potym usia infarmacyja była abjadnana z vykarystańniem śpiecyjalnaha ałharytmu.
Aŭtary daśledavańnia adznačajuć, što tryvožnyja i depresiŭnyja razłady najlepš identyfikujucca z adkazaŭ samich dziaciej.
Vyniki pakazali, što 13% školnikaŭ majuć vysokuju imaviernaść razładu psichičnaha zdaroŭja.
Pad hetaj ličbaj chavajucca patencyjnyja razłady roznaha rodu: u 5,6% vysokaja imaviernaść najaŭnaści emacyjnaha razładu (tryvožnaha abo depresiŭnaha razładu), u 6,6% — apazicyjna-zadzirlivaha rasstrojstva (niepasłušenstva; pravakacyjnyja, varožyja, zadzirlivyja pavodziny; ihnaravańnie prośbaŭ i praviłaŭ darosłych) i 3,2% — sindromu deficytu ŭvahi z hipieraktyŭnaściu abo bieź jaje.
Charakterny fakt, na jaki źviarnuli ŭvahu daśledčyki: tryvožnyja i depresiŭnyja razłady čaściej sustrakajucca ŭ dziaŭčatak, a razłady pavodzinaŭ čaściej nazirajucca ŭ chłopčykaŭ.
Jak adznačajuć arhanizatary daśledavańnia, ich vyniki karelujucca z apublikavanymi ŭ 2016 hodzie vynikami jeŭrapiejskaha daśledavańnia z vykarystańniem anałahičnaj mietodyki. Jano pakazała, što 12,8 % dziaciej u vieku ad 6 da 11 hadoŭ mieli vysokuju imaviernaść razładaŭ psichičnaha zdaroŭja.
Aŭtary daśledavańnia padkreślivajuć, što vyniki nie prademanstravali jakich-niebudź istotnych adroźnieńniaŭ u raspaŭsiudžanaści rasstrojstvaŭ u zaležnaści ad uzroŭniu škoły, jaje statusu.
Heta jašče bolš padkreślivaje, što prablemy ź psichičnym zdaroŭjem zakranajuć usie śfiery, jany tyčacca kožnaha.
U toj ža čas, jak adznačajuć navukoŭcy, vyniki taksama padkreślivajuć važnaść najaŭnaści i dastupnaści srodkaŭ, jakija nieabchodna vykarystoŭvać dla lepšaj padtrymki psichičnaha zdaroŭja dziaciej.
Čytajcie jašče:
Vučniaŭ stała amal u dva razy bolej. Jak źmianiłasia Vilenskaja himnazija Skaryny paśla 2020-ha
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary