Ataka na Krymski most — śpiecapieracyja ŭkrainskich śpiecsłužb — miedyja
Ukrainskija ŚMI paviedamlajuć, što načnaja ataka na Krymski most była śpiecapieracyjaj SBU i Vajskova-marskich sił USU.
Jak pišuć «Ukrainskaja praŭda» i «RBK-Ukraina», most byŭ atakavany z dapamohaj nadvodnych dronaŭ. Pavodle słoŭ krynic miedyja, dabracca da mosta było składana, ale narešcie heta atrymałasia.
Raniej śpikier HUR Andrej Jusaŭ u kamientary «Suśpilnamu» zajaviŭ, što HUR nie kamientuje pryčyn padziej na Krymskim moście. «Možna tolki pracytavać słovy kiraŭnika HUR Kiryły Budanava pra toje, što «Krymski most — kanstrukcyja tam lišniaja», — dadaŭ jon.
Va USU ž zajavili, što paškodžańnie Krymskaha mosta moža być rasijskaj pravakacyjaj, bo siońnia skančajecca dziejańnie zbožžavaj uhody
«Pry tych biesprecedentnych mierach biaśpieki, jakija vykarystoŭvalisia doŭhi čas rasijanami vakoł Krymskaha mosta, jany, całkam imavierna, kantralavali ŭsiu hetuju situacyju i dalej adbyvajecca jana pa zaprahramavanym imi ž scenary», — zajaviła kiraŭnica pres-centra SIł abarony poŭdnia Natalla Humieniuk.
Rasijski bok pryčyn zdareńnia aficyjna nie nazyvaŭ.
Papiaredni vybuch na Krymskim moście adbyŭsia 8 kastryčnika 2022 hoda: tam byŭ padarvany hruzavik z vybuchoŭkaj. Vybucham byŭ źniščany adzin z pralotaŭ aŭtamabilnaha mosta i paškodžany čyhunačny most. Aŭtamabilny ruch adnavili 6 śniežnia, ale całkam most zapracavaŭ tolki ŭ mai. Adkaznaści za jaho ŭkrainski bok nie braŭ. Chacia vyzvaleńnie Kryma — aficyjna abvieščanaja meta ŭkrainskich uładaŭ u hetaj vajnie.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała4
Kamientary