Premjer Litvy zajaviła pra miechanizm zakryćcia miažy ź Biełaruśsiu
Inhryda Šymanicie ŭ intervju BNS raspaviała ŭ ahulnych rysach pra miechanizm zakryćcia miažy ź Biełaruśsiu, uzhodnieny z Łatvijaj i Polščaj. Adnak jana admoviłasia nazvać situacyi, u jakich mohuć być pryniaty rašeńni. Kansultacyi z nahody zakryćcia miežaŭ nie abaviazkova buduć publičnymi.
«My možam siadzieć i razvažać pra kuču zdareńniaŭ, jakaja ŭ pryncypie biaskoncaja. Incydentaŭ, jakija tearetyčna možna prydumać, biaskoncaje mnostva, tamu ja nie chaču pra ich kazać, bo heta budzie vyhladać jak acenka niejkich realnych pahroz. Na mižviedamasnym uzroŭni damovilisia, što budzie ŭzhadniacca peŭnaja acenka kankretnych situacyj, kali my budziem sprabavać razam tak ci inakš reahavać. Heta nie abaviazkova budzie publična, ale kali treba budzie pryniać rašeńni, to jany abaviazkova buduć pryniatyja, i jany buduć publičnymi, i jany buduć rastłumačanyja», — cytuje Šymanicie Reform.by.
Kamientujučy mierkavanaje zakryćcio dvuch punktaŭ propusku ź Biełaruśsiu («Šumskas» («Łoša»), «Ćviaračus» («Vidzy»)) Šymanicie adznačyła, što ŭ siońniašniaj hieapalityčnaj situacyi takaja prapusknaja infrastruktura zališniaja.
«Vielmi prosta zrazumieć, što ŭrad užo vielmi daŭno nie rekamienduje jechać u Biełaruś. Niahledziačy na heta, jość peŭnaja kolkaść ludziej, jakija nie prytrymlivajucca hetaj rekamiendacyi abo majuć dla hetaha asablivyja pryčyny, i hetaja infrastruktura ciapier, na naš pohlad, prosta zališniaja dla hieapalityčnaj acenki. Paśla zakryćcia punktaŭ praca budzie prosta zasiarodžanaja ŭ tych punktach, praź jakija prachodzić častka kamiercyjnaha trafiku», — dadała jana.
Premjer-ministr nie stała adkazvać na toje, jak buduć vykarystanyja siły pamiežnikaŭ i mytnikaŭ, jakija vyzvalacca ŭ vyniku zakryćcia punktaŭ. Pavodle jaje, heta znachodzicca ŭ kampetencyi kiraŭnictva pamiežnaj słužby.
Jana taksama padkreśliła, što prysutnaść PVK «Vahnier» u Biełarusi nie dazvalaje litoŭskim słužbam rassłablacca i zmušaje pryciahvać bolš resursaŭ, čym u zvyčajnaj situacyi.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary