Na samalot byli vialikija nadziei, pakolki jon moh stać častkaj supraćpavietranaj abarony i dapamahčy abaranicca ad rakietnaha teraryzmu Rasii.
«Užo vidavočna, što my nie zmožam abaranić Ukrainu samalotami F-16 hetaj vosieńniu i zimoj», — skazaŭ pres-sakratar kamandavańnia Pavietranych sił USU Ukrainy Juryj Ihnat.
Pavodle jaho słoŭ, na samalot byli vialikija nadziei, bo jon moh stać častkaj supraćpavietranaj abarony i dapamahčy abaranicca ad rakietnaha teraryzmu Rasii.
«Ale, jak tam ni było, pytańnie zrušyłasia ź miesca. My razumiejem, što našy lotčyki najbližejšym časam buduć vučycca. Ale ŭ toj ža čas uzmacnieńnie našaha SPA treba pravodzić», — dadaŭ śpikier pavietranych sił.
Niekalki miesiacaŭ tamu častka sajuźnikaŭ Ukrainy vyrašyła padtrymać navučańnie ŭkrainskich piłotaŭ na F-16, ale treniroŭki dahetul nie pačalisia.
Aficyjnyja pradstaŭniki Ukrainy i inšych krain, u pryvatnaści ZŠA, nieadnarazova zajaŭlali, što navučańnie pavinna pačacca ŭ žniŭni. Ad terminaŭ jaho zaviaršeńnia napramuju zaležać mahčymyja pastaŭki źniščalnikaŭ.
Kamientary