ZŠA pakul nie chočuć pieradavać Ukrainie dalnabojnyja rakiety ATACMS — The Washington Post
Administracyja prezidenta ZŠA Džo Bajdena ŭsio jašče admaŭlajecca pieradavać Ukrainie dalnabojnyja rakiety ATACMS, niahledziačy na prośby z boku Kijeva i cisk amierykanskich zakanadaŭcaŭ.
Pra heta paviedamlaje The Washington Post sa spasyłkaj na nienazvanych amierykanskich čynoŭnikaŭ, piša «Jeŭrapiejskaja praŭda».
Pa słovach pradstaŭnikoŭ Pientahona i prezidenckaj administracyi, na praciahu niekalkich apošnich miesiacaŭ nie adbyłosia nijakich źmien i nie było pradmietnych dyskusij pa hetym pytańni.
U Pientahonie ličać, što va Ukrainy jość bolš nadzionnyja patreby. U viedamstvie taksama aścierahajucca, što adpraŭka Ukrainie dalnabojnych rakiet surjozna padarvie hatoŭnaść ZŠA da patencyjnych kanfliktaŭ.
Jak adznačyli čynoŭniki, kolkaść ATACMS u amierykanskich arsienałach pavinna zastavacca fiksavanaj, pakul ich nie zamieniać na rakiety nastupnaha pakaleńnia z bolšaj dalokaściu dziejańnia PrSM. Čakajecca, što jany pastupiać na ŭzbrajeńnie da kanca hetaha hoda.
Vydańnie paviedamlaje, što Lockheed Martin štohod vyrablaje 500 ATACMS, ale jany pryznačanyja dla prodažu inšym krainam.
Raniej paviedamlałasia, što ŭ Administracyi prezidenta ZŠA Džo Bajdena iduć «cichija» debaty adnosna taho, ci varta pasyłać Ukrainie dalnabojnyja taktyčnyja rakietnyja sistemy ATACMS.
Ciapier čytajuć
Mielnikava krała hramadskija hrošy pa $2500, pieravodziačy na ŭłasny rachunak21
Mielnikava krała hramadskija hrošy pa $2500, pieravodziačy na ŭłasny rachunak
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2222
Kamientary