Palityk Juraś Hubarevič paviedamiŭ u fejsbuku, što pierapłyŭ Basfor — amal 6,5 km pamiž Azijaj i Jeŭropaj.
«Patrapić z Azii ŭ Jeŭropu možna roznymi sposabami. Ja vyrašyŭ zrabić heta na svaich čaćviarych. Daviałosia dobra papracavać rukami i nahami, kab prapłyć 6,5 km pamiž miescami startu i finišu, jakija znachodzilisia na supraćlehłych bierahach Basforskaha praliva.
Kali zastavałasia ŭsiaho mietraŭ 400 da finišu, zavis na 10 chvilin u sustrečnaj płyni roŭna ŭ adnym punkcie nasuprać hihanckaha ściaha Turcyi. Kab kančatkova nie zavalić zapłyŭ, daviałosia adpłyć bližej da siaredziny praliva i ŭžo adtul chitrym manieŭram finišavać. Moj čas zapłyvu tryvaŭ 1:11:16, ale mahčymaści palubavacca turystyčnymi cikavostkami praktyčna nie było. Kampaniju składali niešmatlikija mieduzy i takija ž, jak i ja, 2690 udzielnikaŭ mižkantynientalnaha zapłyvu», — napisaŭ Hubarevič.
Jurasiu Hubareviču 45 hadoŭ. Jon ź Biełaaziorska. Byŭ u «Maładym froncie», namieśnikam staršyni Partyi BNF, uznačalvaŭ ruch «Za Svabodu!».
Ciapier pracuje ŭ NAU.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary