Telefony papularnaha brenda pavinny pastupić u prodaž z dnia na dzień.
Adrazu niekalki pradaŭcoŭ raspaviali Tochka.by, što ŭ Minsk viazuć apošniuju madel iPhone.
Praŭda, kolki pryjdziecca vykłaści, kab stać uładalnikam telefona ź liniejki iPhone 15, skazać składana.
Adzin z pradaŭcoŭ kaža, što heta stanie jasna, kali telefon pryviazuć u našy kramy. Darečy, pryjechać «jabłyk» pavinien litaralna siońnia, 23 vieraśnia. Pryčym u dastatkovaj kolkaści, udakładniŭ pradaviec.
Chutkaje źjaŭleńnie iPhone u Minsku paćvierdziŭ i pradstaŭnik inšaj kampanii. Praŭda, terminy acharaktaryzavaŭ raspłyvista: «z dnia na dzień». Da taho ž jedzie ŭ kramu nievialikaja partyja: litaralna niekalki adzinak.
Fanatam Apple varta ŭličyć i toje, što niekatoryja biełaruskija sajty buduć prapanoŭvać telefon amierykanskaj viersii, to-bok bieź fizičnaj sim-karty, tolki z eSIM.
Da taho ž u pieršyja tydni prodažaŭ canu na Apple 15 Pro Max z 512 Hb pamiaci čakajuć nadzvyčaj vysokuju: kala $4500 (14,7 tysiačy rubloŭ). Dalej jana moža imkliva padać, a madelny šerah — pašyracca. Tak, ciapier u kramu viazuć telefony litaralna ŭ niekalkich kolerach: Natural Titanium i White Titanium.
Dalej košt iPhone moža źnizicca da $2000 (6500 rubloŭ).
Ale i hetuju sumu ŭ viadomaj «jabłyčnaj» kramie nazvali zavyšanaj. Tak, pryjezd novaj liniejki Apple tut anansavali na nastupny tydzień, a ceny na madel Pro — u $1500-$2000 (mienš za 4900-6500 rubloŭ), da kanca ž miesiaca prahnazujuć źnižeńnie da $800-$900 (mienš za 2600-2900 rubloŭ).
Kupić novieńki telefon prapanujuć i na adnoj z papularnych anłajn-placovak. Praŭda, pa papiarednim zakazie, dastavić abiacajuć na praciahu 20 dzion. Cana na iPhone 15 Pro Max na 256 Hb ustalavałasia tut na ŭzroŭni ŭ 5400 rubloŭ.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary
📱Cana «Ajfona 15 Pro Maks» na 256 HB u ZŠA prykładna ad 1200$, u Rasiei — i heta praz šery paralelny impart! — užo 2000 dalaraŭ. A ŭ RB daražej jašče minimum na 140 zialonych. Vo dzie łaššo!