«Pačaŭsia film — z zały stali sychodzić ludzi». Biełarus raskazaŭ, jak ludzi prahladajuć karcinu «Na inšym bierazie»
«Kažuć, kino «Na inšym bierazie» ŭ Biełarusi sabrała kala 600 tysiač rubloŭ za dva tydni prakatu. Ździŭlajusia ja hetym ličbam, bo haradžanie nie płaciać ničoha», — napisaŭ žychar Žodzina ŭ vydańnie Ex-press.by pra novuju prapahandysckuju karcinu.
«Pakazy biaspłatnyja, tak by mović, za košt prafsajuza. Prynamsi, u žodzinski kinateatr «Junactva» na hetaje kino nas uhavorvali pajści… I ludzi chadzili, bo, jak kaža moj siabar: «Biaspłatna možna pahladzieć — vorahu nie płaciš, zatoje viedaješ u tvar».
Nu što. Sabralisia my, ideołahi nas pafatahrafavali. Prykolna, što pieršymi zaniali ŭsie krajnija miescy — tyja, što bližej da vychadu. Pačaŭsia film — z zały stali sychodzić ludzi. Ludzi «adznačylisia» pierad ideołaham i syšli.
A my z žonkaj vyrašyli dahladzieć da kanca, bo tema pamiežža z Polščaj nam blizkaja: moj dzied i svajaki žonki z tych krajoŭ. My čuli ź pieršych vusnaŭ pra toje, jak tam žyłosia ŭ pieryjad, pra jaki film.
Skažu ščyra: film «Na inšym bierazie», miakka skažam, — samadziejnaje ciap-lap. Aŭtar scenaryja hetaha kino — Ivan Kryvaručka. I ja paćviardžaju — dakładna Kryvaručka!
Tonkim znaŭcam kino i ludziam, znajomym ź biełaruskaj historyjaj, tam rabić niama čaho, jany nie buduć u zachapleńni.
U filmie niama matyvu, siužet dziŭny. Akciorskaja hulnia — niby ŭ samadziejnym teatry. Tolki adna-adzinaja aktrysa spadabałasia — polskuju pani hrała.
A naohuł, tym, chto lubić rasijskija sieryjały, mahčyma, hety film pryjdziecca daspadoby. Jość ža ludzi, pazbaŭlenyja pačućcia praŭdy i abyjakavyja da realnych prablem — voś jany i mohuć atrymać asałodu ad historyj, dzie palaki malujucca jak złydni i vorahi.
Kali my vyjšli z «Junactva», maja žonka vybačyłasia i skazała: «bł…dź», — zaviaršyŭ svoj apovied žodziniec.
Čytajcie taksama:
Dyrektar «Biełaruśfilma» nazvaŭ premjery 2024 hoda
«Na inšym bierazie» ŭ Minsku papularniejšy za «Barbi» i «Opienhiejmiera» — Kinavideaprakat
Šmat kličnikaŭ i kapsłokaŭ. Tak vyhladajuć zakliki piedahohaŭ da naviedvańnia prapahandysckaha filma
Pahladzieli film «Na inšym bierazie». Raskazvajem siužet i toje, što pabačyli ŭ kinateatry
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary