CACHAŁ: Zabity kamandujučy śpiecnazam CHAMAS, jaki kiravaŭ napadam na izrailskija miastečki 7 kastryčnika
Ali Kašy adbyvaŭ pažyćciovy termin z 2005 hoda za vykradańni i zabojstvy, ale vyjšaŭ na volu vosieńniu 2011 hoda.
Vajenna-pavietranyja siły Armii abarony Izraila pry sadziejničańni Ahulnaj słužby biaśpieki i Upraŭleńnia vajennaj raźviedki źniščyli Ali Kašy — kamandujučaha śpiecnazam CHAMAS «Nuchba», piša newsru.co.il.
Mienavita Ali Kašy asabista kiravaŭ siłami CHAMAS, jakija ažyćciavili terarystyčny napad na izrailskija nasielenyja punkty kala miažy ź siektaram Haza 7 kastryčnika.
Ali Kašy adbyvaŭ pažyćciovy termin z 2005 hoda za vykradańni i zabojstvy, ale vyjšaŭ na volu vosieńniu 2011-ha.
Siońnia ranicaj CACHAŁ paviedamiŭ ab likvidacyi kiraŭnika pavietranych sił CHAMAS Mierada Abu Mierada i dziasiatkaŭ bajevikoŭ sa śpiecnaza «Nuchba».
Abu Mierad, pavodle źviestak izrailskich vajskoŭcaŭ, adkazvaŭ za kiraŭnictva bajevikami padčas ataki na Izrail.
U vyniku ŭdaraŭ izrailskaj armii raniej byŭ zabity «ministr ekanomiki» CHAMAS Džavad Abu Šamała, jaki kiravaŭ finansami hrupoŭki. Taksama byŭ źniščany adzin z vysokapastaŭlenych členaŭ paleścinskaha ruchu Zakaryja Abu Maamar. Apošni byŭ viadomy jak blizki paplečnik lidara CHAMAS Jachja al-Sinvara.
Kamientary