Jeŭrasajuz vyklučyŭ zhadki pra «asacyjavanaje členstva» z apošniaj viersii prajekta sumiesnaj dekłaracyi, jakuju płanujecca pryniać pa vynikach samitu ES — Kanada ŭ Manreali ŭ čaćvier i piatnicu, 29—30 kastryčnika, piša Euronews.
U abnoŭlenym dakumiencie, razasłanym krainam-členam u sieradu, raniejšuju farmuloŭku zamianili na «jašče bolš ciesnaje supracoŭnictva» pamiž ES i Kanadaj. Źmiena adbyłasia na patrabavańnie Hiermanii, jakaja vystupiła suprać idei asacyjavanaha členstva, jakoje nie praduhledžanaje statutnymi dakumientami ES.
Apošnimi dniami aparat staršyni Jeŭrapiejskaj rady Antoniu Košty pravodziŭ napružanyja kansultacyi z krainami ES, najpierš z Hiermanijaj, jakaja nastojvała na źmienie farmuloŭki ŭ palityčnaj dekłaracyi.
Staršynia Jeŭrakamisii Ursuła fon der Lajen prapanavała razhledzieć mahčymaść asacyjavanaha členstva Kanady ŭ svaim štohadovym zvarocie «Ab stanoviščy Sajuza» da Jeŭraparłamienta ŭ minułym miesiacy. Jana zaprasiła Kanadu stać pieršaj krainaj z takim statusam.
Pieršapačatkovy prajekt dekłaracyi razasłali dziaržavam-členam u aŭtorak. Dakumient razhladaŭsia pavodle pracedury, pry jakoj jon ličycca pryniatym, kali nivodnaja kraina nie vykazvaje pramych piarečańniaŭ. Ale suprać pieršapačatkovaj viersii vystupili Hiermanija, Francyja, Italija i Hrecyja.
Najbolš rašuča suprać termina «asacyjavanaje členstva» vystupiła Hiermanija, choć raniej kancler Frydrych Mierc sam prapanoŭvaŭ nadać padobny status Ukrainie, kab harantavać Kijevu harantyi biaśpieki da jaje paŭnavartasnaha ŭstupleńnia ŭ ES.
Bierlin ličyć, što spačatku nieabchodna vyznačyć, što kankretna budzie aznačać bolš ciesnaje supracoŭnictva z Kanadaj.
Na dumku niamieckaha boku, nie varta padhaniać pakiet damoŭlenaściaŭ pad termin, jakoha niama ŭ damovach ES i vykarystańnie jakoha moža mieć surjoznyja jurydyčnyja nastupstvy.
Premjer-ministr Kanady Mark Karni addaje pieravahu farmuloŭcy «aljans dziela budučyni». Jon zajaŭlaje, što choča zasiarodzicca na źmieście damoŭlenaściaŭ, a vybar terminałohii pakidaje na mierkavańnie Jeŭrasajuza.
Apošniuju viersiju dekłaracyi znoŭ razasłali krainam-členam dla ŭzhadnieńnia pavodle toj ža pracedury. Dakumient budzie ličycca pryniatym, kali dziaržavy ES nie vykažuć piarečańniaŭ da druhoj pałovy dnia ŭ čaćvier.
ES i Kanada stvarajuć novy aljans z udziełam inšych krain, ale biez ZŠA, Kitaja i Rasii
Mierc zajaviŭ pra zaviaršeńnie «ery biezumoŭnaha transatłantyčnaha siabroŭstva»
Premjer Kanady pryvitaŭ zbližeńnie ź Jeŭrasajuzam, ale akreśliŭ miežy členstva
Tramp pryhraziŭ spynić handal ź ES u vypadku dałučeńnia da błoka Kanady
Kanada moža stać pieršym asacyjavanym členam Jeŭrasajuza
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary