Padčas tavaryskaj hulni pabilisia futbalisty dvuch biełaruskich kłubaŭ
Čempijanat Biełarusi pa futbole pajšoŭ na mižnarodnuju paŭzu, padčas jakoj kłuby ładziać sparynhi. Adzin z takich, pamiž minskim «Dynama» i mazyrskaj «Słavijaj», adznačyŭsia masavaj bojkaj.
Jak piša «Trybuna», na 39-j chvilinie sustrečy pry liku 1:2 na karyść «Słavii» paŭabaronca mazyrčukoŭ Uładzisłaŭ Połaz sfaliŭ na hulcy «Dynama» Aryńja.
Za heta brazilec «prapisaŭ byčka» Połazu. Pačałasia bojka, Aryńja paśpieŭ udaryć jašče niekalkich hulcoŭ-mazyrčukoŭ, za što atrymaŭ pramuju čyrvonuju kartku.
Tym časam jašče adzin abaronca «Dynama» Raman Biehunoŭ pryjomam z volnaj baraćby kinuŭ na hazon jašče adnaho mazyrčuka.
Pa skančeńni hulni jahony videazapis źnik z adkrytaha dostupu.
Kamientary
(a tamu šta pierakarmili jaho hetym u dziacinstvie)
a vy nienarmalnyja mužyki