Stali viadomyja pryčyny, pa jakich začyniŭsia Crowne Plaza ŭ Minsku

— Naša kiraŭnictva zhadvała termin mahčymaha adkryćcia haścinicy — praz šeść miesiacaŭ. Ale ci sapraŭdy jość takija płany, my nie viedajem. Na hety momant peŭnaści niama, — raspavioŭ były supracoŭnik u hutarcy z Office Life.

Darečy, u lutym 2022 hoda hatel užo zakryvaŭsia. Tady pryčynaj taho, što adbyłosia, taksama nazyvali techničnyja momanty. U vieraśni taho ž hoda Crowne Plaza znoŭ pačała prymać haściej.

U hety raz spyniła pracu i kazino pry hateli, a voś spa-centr praciahvaje pracavać.

Praz zakryćcio skaracili niekalki dziasiatkaŭ supracoŭnikaŭ: heta ŭ tym liku pakajoŭki, kuchary i śpiecyjalisty bek-ofisa hatela.

Pa słovach udzielnikaŭ rynku, da zakryćcia moh pryvieści šerah faktaraŭ. Za 15 hadoŭ pracy Crowne Plaza sastareła i patrabavała madernizacyi i, adpaviedna, dadatkovych układańniaŭ.

Hienieralny dyrektar Centra stratehičnaha raźvićcia «Markietynhavyja sistemy» Anatol Akancinaŭ adznačyŭ, što ŭ cełym značnaja častka fondu haścinicy — adnosna nievialikija pa płoščy numary. Pavodle jaho słoŭ, pamier numaroŭ u sučasnych hatelach, jak praviła, bolš, a heta značyć, što jany składali kankurencyju. I choć u Crowne Plaza canu na raźmiaščeńnie trymali na siarednim uzroŭni, a časam i nižej, heta nie zaŭsiody spracoŭvała.

Pavodle acenak surazmoŭcy, u hateli časta spynialisia turysty z krain Zachodniaj Jeŭropy i Turcyi. Patoki pieršych źmienšylisia. Taksama dziakujučy mižnarodnym spartyŭnym mierapryjemstvam na stadyjonie «Dynama» hatel byŭ papularny dla raźmiaščeńnia spartsmienaŭ. Ciapier takich haściej stała značna mienš.

— Vialikuju rolu adyhryvała i najaŭnaść kazino. Dziakujučy jamu ŭ hateli taksama spynialisia turysty. Kankurencyja siarod kazino vyrasła jak u Minsku, tak i ŭ Rasii — stała vyhadna lotać z hetaj metaj u toj ža Sočy, — raspaviadaje ekśpiert.

Inšy surazmoŭca Office Life nahadaŭ, što jašče ŭ 2017 hodzie źjavilisia paviedamleńni, što ŭ kampanii «Minsk Prynces Hatel» (uładalnik budynka hatela Crowne Plaza) surjoznyja daŭhi pierad biudžetam, bankami i partniorami. Ale akcyjanieram na čale z tureckim miljanieram Sudzi Eskanam z hetymi ciažkaściami ŭdavałasia spraŭlacca.

Finansavaje stanovišča hatela pahoršyłasia padčas pandemii karanavirusu. Nie dadavała ŭpeŭnienaści i niavyznačanaja situacyja na rynku ŭ suviazi z sankcyjami.

Naprykład, letaś Brytanskaja InterContinental Hotel, jakoj naležyć prava na hateli Crowne Plaza, paviedamiła ab spynieńni pracy ŭ Rasiei «ŭ adpaviednaści sa źmienlivymi režymami sankcyj Vialikabrytanii, ZŠA i ES, a taksama z pastajannymi i narastajučymi prablemami z pracaj tam».

Jak paviedamlaje časopis MICE&more, z 1 lipienia 2022 hoda hatel Crowne Plaza Moscow WTC pierastaŭ być častkaj sietki hatelaŭ IHG Hotels & Resorts. Jon praciahnuŭ pracu ŭ vyhladzie haścinicy ŭ składzie Centra mižnarodnaha handlu Maskvy.

Ekśpierty biełaruskaha haściničnaha rynku ličać, što, mahčyma, ułaśnikam Crowne Plaza ŭ Minsku ŭdasca spravicca sa składanaściami i hetym razam. Varyjantami vyrašeńnia prablem surazmoŭcy bačać prodaž hatela ci mahčymaść jaho adradzić, ukłaŭšy hrošy.

• 8
• 0
• 6
• 0
• 3
• 1
• 1
• 0